ᖃᕋᓴᐅᔭᒃᑯᑦ ᖃᒡᒋᖅ (VQ)

ᐱᓕᕆᐊᖅ

ᐱᑕᖃᖅᑎᑕᐅᔪᑦ ᐅᑯᓄᖓ

FUNDED by

Try a fantasy video game built by and for Inuit youth for supporting mental wellness. Join our paid research study by providing feedback on the game.

ᓇᕿᓪᓗᒍ ᐊᑎᓕᐅᖁᓪᓗᑎᑦ ᐊᒻᒪᓗ ᐆᑦᑐᕋᕐᓗᒍ ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᕋᑦᓴᖅ!

The Virtual Qaggiq (VQ) Project is a CIHR funded community-driven initiative created to empower and support the mental wellness of Inuit youth in Nunavut.

ᓄᓇᕗᒻᒥᐅᑦ ᐃᓱᒫᓘᑎᖏᑦ ᑲᒪᒋᔭᐅᖁᓪᓗᒋᑦ ᐊᒥᓲᓗᐊᖅᑐᑦ ᓄᒫᓱᖃᑦᑕᖅᑐᑎᑦ ᓯᕘᕋᔪᓪᓗ ᒪᒃᑯᑦᑐᑦ, ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᖅ ᑲᑎᖅᓱᐃᑎᑦᓯᕗᖅ ᐃᓄᒻᒪᕇᑦ ᐃᓕᖅᑯᓯᑦᑎᐊᕚᓗᖏᓐᓂᒃ ᑖᒃᑯᓄᖓ ᐅᓪᓗᒥᐅᔪᖅ ᖃᕋᓴᐅᔭᓕᕆᔾᔪᑎᓄᑦ, ᐊᑐᖅᑕᐅᔪᓐᓇᖅᓯᑎᑕᐅᓪᓗᓂ ᐊᒻᒪᓗ ᐊᑐᖅᑕᐅᓗᓂ ᖃᕋᓴᐅᔭᒃᑯᑦ ᐊᑐᖅᑕᐅᒍᓐᓇᕐᓂᖓ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᑲᔪᖅᑐᐃᓂᖅ ᐊᒻᒪᓗ ᐃᒻᒥᓂᒃ ᐋᓐᓂᓗᐊᕐᔭᐃᑎᑦᑎᒍᑕᐅᓗᓂ. ᖃᕋᓴᐅᔭᒃᑯᑦ ᖃᒡᒋᖅ ᑲᒪᒋᔭᐅᔪᒪᓂᖃᖅᓯᒪᔪᖅ ᐱᖅᑯᓯᑐᖃᕐᒦᙶᖅᑐᒥᒃ ᐃᓄᐃᑦ ᖃᒡᒋᖓ, ᑲᑎᕝᕕᒃ ᑲᑐᔾᔨᓗᑎᑦ ᖃᐅᔨᒪᓂᐅᔪᓂᒃ ᐊᒻᒪᓗ ᓴᙵᑦᑎᑕᐅᓗᓂ ᐃᓅᖃᑎᒌᓐᓂᖅ. ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᖅ ᑕᐅᑐᙳᐊᒃᑲᓐᓂᖅᑎᑦᑎᔪᖅ ᑕᒪᔅᓱᒪᑉ ᐃᓂᖓᓂᒃ ᖃᕋᓴᐅᔭᒃᑯᑦ ᑐᑦᑕᕐᕕᒃ ᒪᒥᓴᕈᑎᒋᔭᐅᓗᓂ, ᑲᓱᖅᑎᑦᑎᓗᑎᑦ, ᐊᒻᒪᓗ ᒪᑭᒃᑲᓐᓂᖅᑎᑦᑎᒍᑕᐅᓗᓂ ᐃᓄᐃᑦ

ᑎᓕᔭᐅᔾᔪᑎᒋᓯᒪᔭᕗᑦ ᐱᓇᓱᐊᒐᕗᑦ ᐃᑲᔪᖅᑐᕐᓗᒋᑦ ᐃᓄᒻᒪᕇᑦ ᒪᒃᑯᑦᑐᑦ ᐱᕙᓪᓕᐊᒍᑎᒋᔭᐅᓗᓂ ᐊᒻᒪᓗ ᐆᑦᑐᕋᖅᑕᐅᓗᓂ ᐊᔾᔨᐅᙱᑦᑐᖅ ᖃᕋᓴᐅᔭᒃᑯᑦ ᐃᑲᔫᑎ ᐊᑐᖅᑕᐅᔪᓐᓇᖅᑐᖅ: ᖁᕕᐊᓇᖅᑐᖅ ᐊᑐᕈᒪᓪᓗᒍ ᖃᕋᓴᐅᔭᒃᑯᑦ ᐱᙳᐊᒐᖅ ᑲᑎᑦᑎᑦᑎᔪᖅ ᐃᓄᐃᑦ ᐃᓕᖅᑯᓯᖓᒍᑦ ᐱᖅᑯᓯᖏᓐᓂᒃ ᖃᓄᐃᓕᐅᕈᓘᔭᖅᑎᑦᑎᓪᓗᓂ ᐊᑲᐅᙱᓕᐅᕈᑎᓂᒃ ᐋᖅᑮᑎᑦᑎᒋᐊᒻᒪᕆᑎᑦᑎᓲᕐᒥᒃ ᐊᒻᒪᓗ ᖃᓄᐃᑦᑕᐃᓕᓂᕐᒥᒃ. ᑲᒪᒋᔭᖃᕐᓂᐊᕐᓂᕋᖅᓯᒪᕗᒍᑦ ᐋᖅᑭᑦᓱᐃᖃᑎᒌᓪᓗᑕ ᐃᑲᔫᑎᓂᒃ ᐃᓄᒻᒪᕇᑦ ᒪᒃᑯᑦᑐᑦ ᓯᕗᓕᖅᑎᖏᓪᓗ, ᐃᓐᓇᒻᒪᕇᑦ, ᐊᒻᒪᓗ ᓄᓇᓕᒻᒥᐅᑕᐅᔪᑦ, ᖃᐅᔨᒪᓇᑦᑎᐊᖁᓪᓗᒋᑦ ᑕᒪᐃᓐᓂᓕᒫᑦᓯᐊᖅ ᖃᕋᓴᐅᔭᒃᑯᑦ ᖃᒡᒋᖅ ᐊᔾᔨᖃᖁᓪᓗᒍ ᓂᐱᖏᑦ ᐱᒻᒪᕆᒋᔭᖏᓪᓗ ᓄᓇᓖᑦ ᐱᔨᑦᑎᖅᐸᑦᑕᕗᑦ. ᒪᑭᒃᑲᓐᓂᓴᕋᐃᑎᑦᑎᖁᔨᒧᑦ ᐊᒻᒪᓗ ᐃᑲᔪᖅᑐᐃᓪᓗᑕ ᐃᑉᐱᓐᓂᖓᓂᒃᑯᑦ ᖃᓄᐃᑦᑕᐃᓕᒪᓂᖅ, ᐱᓕᕆᐊᖃᕈᒪᓕᖅᑎᓐᓇᓱᐊᕐᓂᐊᖅᑕᕗᑦ ᐃᓄᒻᒪᕇᑦ ᒪᒃᑯᑦᑐᑦ ᐊᑐᕋᑦᓴᒥᒃ ᐊᔪᕈᓐᓃᕈᑎᓂᒃ ᐊᒻᒪᓗ ᓇᒻᒥᓂᖅ ᓇᓗᖅᑯᓯᙱᑦᓯᐊᕐᓂᖅᓴᐅᒻᒪᕆᓕᖁᓪᓗᒋᑦ ᐱᕈᖅᐸᓪᓕᐊᑎᑦᑎᔾᔪᑕᐅᓲᑦ.

A total of 60 individuals, from Nunavut, Nunavik, Nunatsiavut, Northwest Territories, British Columbia, and Ontario contributed to the development of the Virtual Qaggiq game.


Check out the game credits ->

ᐅᕙᒍᑦ ᒥᑦᓵᓄᑦ

ᐃᓕᓐᓂᐊᒃᑲᓐᓂᕆᑦ ᑭᒃᑰᒻᒪᖔᕐᒥᒃ ᐱᓕᕆᖃᑎᒌᑦᑎᕗᑦ!

ᐱᓕᕆᒋᐊᕈᒪᓕᖅᑎᑦᑎᒍᑏᑦ

ᐃᓕᓐᓂᐊᒃᑲᓐᓂᕆᑦ ᖃᓄᐃᓕᐅᕈᑕᐅᓯᒪᓕᔾᔪᑎᖓ ᑕᐃᒪᙵᓂᑦ ᐱᙳᐊᕈᑎᑉ!

ᐊᑎᓕᐅᕐᓗᑎᑦ

ᒫᓐᓇ ᐱᓇᓱᒋᑦ ᐆᑦᑐᖁᓪᓗᒍ ᐱᙳᐊᕈᑎ!

ᑐᑦᑕᕐᕕᒋᔭᖓ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᑉ ᑲᒪᒋᔭᖃᕐᓂᐊᕐᓂᕋᕐᓂᕗᑦ ᐋᖅᑭᑦᓱᐃᖃᑎᒌᓪᓗᑕ ᒪᒃᑯᑦᑐᓄᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ. ᑖᓐᓇ ᖃᐅᔨᓴᖅᑕᐅᔪᖅ ᐱᓕᕆᐊᖅ ᑲᑎᑎᑦᑎᕗᖅ ᐃᓄᒻᒪᕆᓐᓂᒃ ᒪᒃᑯᑦᑐᑦ ᓯᕗᓕᖅᑎᖏᓐᓂᒃ, ᐃᓐᓇᒻᒪᕆᓐᓂᒃ, ᐃᓕᖅᑯᓯᓕᕆᓂᕐᒧᑦ ᐅᖃᐅᔾᔨᒋᐊᖅᑎᓂᒃ, ᐊᒻᒪᓗ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔪᓕᕆᔨᒻᒪᕆᓐᓂᒃ. ᑕᐃᒃᑯᐊ ᖃᐅᔨᓴᖃᑎᒋᔭᐅᔪᑦ ᐃᖅᑲᓇᐃᔭᖃᑎᒌᑦᑐᒥᓃᑦ ᐋᖅᑭᓪᓗᑎᑦ ᖃᕋᓴᐅᔭᒃᑯᑦ ᖁᓪᓕᖅ ᐊᑐᓲᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ – ᑐᙵᕕᒋᔭᐅᔪᑦ ᖃᐅᔨᒪᔭᑦ ᐱᒻᒪᕆᒋᔭᖏᓪᓗ ᐃᓄᐃᑦ ᐃᓕᖅᑯᓯᑦᑎᐊᕚᓗᖏᓐᓂᒃ – ᑐᑭᓯᐅᒪᑎᑕᐅᖁᓪᓗᒍ ᐊᑐᖅᑕᐅᔪᓐᓇᖅᑐᖅ ᖃᕋᓴᐅᔭᒃᑯᑦ ᐃᑲᔫᑎ. ᖄᖓᒍᒃᑲᓐᓂᖅ ᐊᓕᐊᓇᐃᑦᑑᓪᓗᓂ ᐊᒻᒪᓗ ᐊᒃᓱᕈᕐᓇᒐᓚᑦᑐᓂ ᐱᙳᐊᕐᓗᒍ, ᐅᑭᐅᖅᑕᖅᑐᒦᙶᖅᑐᖅ ᐱᙳᐊᕈᑎ ᐃᑲᔫᑎᖃᕆᕗᖅ ᐊᒻᒪᓗ ᐊᒥᓱᑎᒍᑦ ᖃᕋᓴᐅᔭᒃᑰᕈᓐᓇᐅᑎᒃᑰᕈᓐᓇᖅᑐᑦ ᐃᓗᓕᖏᑦ ᓴᓇᔭᐅᓯᒪᔪᑦ ᐃᑲᔪᖅᑐᖅᑕᐅᖁᓪᓗᒍ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᖅ. ᐱᖃᓯᐅᑎᓯᒪᔪᓕᒫᑦ ᐊᑐᕋᑦᓴᑦ ᐃᑲᔫᑏᑦ ᐋᖅᑭᑦᓱᖅᑕᐅᓯᒪᔪᑦ ᑲᒪᒋᔭᖃᕈᑎᒋᔭᐅᓇᓱᐊᕐᓗᓂ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᓱᕉᑕᐅᓲᑦ ᓲᕐᓗᒃ ᐋᓐᓂᓗᐊᖅᓯᒪᔪᑦ, ᐊᑦᓱᕈᕐᓇᖅᑐᒃᑰᕐᓂᖅ, ᐊᒻᒪᓗ ᐃᑉᐱᓐᓂᐊᓂᒃᑯᑦ ᐊᐅᓚᑦᑎᒍᑎᖃᕐᓗᑎᑦ ᑲᓱᖅᓯᒪᑎᑕᐅᒐᓱᐊᖅᓯᓐᓈᖅᑐᒋᑦ ᐃᓕᖅᑯᓯᕐᒥᓄᑦ ᑭᓇᐅᓂᖓᑕ.

ᐱᓕᕆᐊᖃᕐᓂᐊᕐᓂᕋᖅᓯᒪᓪᓗᑕ ᐃᖅᑲᓇᐃᔭᖃᑎᒌᑦᑐᒍᑦ ᐃᓕᒌᓕᖅᓯᒪᓪᓗᑕ ᐱᓇᓱᐊᒐᖃᕐᓂᑦᑎᓐᓄᑦ ᐃᑲᔪᖅᑐᕐᓗᒋᑦ ᐃᓄᒻᒪᕇᑦ ᒪᒃᑯᑦᑐᑦ ᓄᓇᕗᒻᒥ ᐋᖅᑭᑦᓱᐃᓂᑎᒍᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᐃᑲᔫᑎᓂᑦ ᐊᔾᔨᖃᕐᓗᒋᑦ ᐊᔾᔨᐅᙱᑦᑐᓂᒃ ᐃᓕᖅᑯᓯᕐᒥᒃ ᐊᑐᖃᑦᑕᕐᓂᑯᒥᓂᖏᑦ ᐊᒻᒪᓗ ᓄᓇᓖᑦ ᑭᙴᒪᒋᔭᖏᑦ.

ᐊᕐᕌᒍᓄᑦ ᐊᒥᓲᓕᖅᑐᓄᑦ, ᐃᖅᑲᓇᐃᔭᖃᑎᖃᖃᑦᑕᕐᓂᑰᕗᒍᑦ ᐊᔾᔨᒌᙱᑦᑐᕈᓘᔭᕐᓂᒃ ᐃᓄᒻᒪᕇᑦ ᒪᒃᑯᑦᑐᑦ ᓯᕗᓕᖅᑎᖏᓐᓂᒃ, ᐃᓐᓇᒻᒪᕆᓐᓂᒃ, ᐃᓕᖅᑯᓯᓕᕆᓂᕐᒧᑦ ᐅᖃᐅᔾᔨᒋᐊᖅᑎᓂᑦ, ᐊᒻᒪᓗ ᓄᓇᓕᒻᒥᐅᑕᕐᓂᒃ, ᑐᑭᖃᐅᑦᑎᐊᖅᑐᒥᒃ ᑲᓱᖅᓯᒪᖁᓪᓗᒋᑦ [ᓈᓴᐅᑎᖃᕐᓗᒍ] ᓄᓇᓕᓐᓂ ᓄᓇᕗᒻᒥ. ᑕᒪᒃᑯᑎᒎᓇᖅ ᐱᓕᕆᖃᑎᒌᓐᓂᑦᑎᒍᑦ, ᑲᑎᑎᑦᑎᕗᒍᑦ ᐱᖅᑯᓯᑐᖃᖅᑎᒍᑦ ᐃᓄᒻᒪᕇᑦ ᖃᐅᔨᒪᓂᖏᑦ – ᐃᓄᐃᑦ ᖃᐅᔨᒪᔭᑐᖃᖏᑦ – ᐊᒻᒪᓗ ᐅᓪᓗᒥᐅᓕᖅᑐᖅ ᖃᕋᓴᐅᔭᒃᑯᑦ ᐊᑐᖅᑕᐅᔪᓐᓇᓕᖅᑐᑦ ᐋᖅᑭᑦᓱᐃᖁᓪᓗᑕ ᐃᑲᔪᖅᑐᐃᓇᖅᑐᒥᒃ, ᐊᑐᕋᑦᓴᒥᒃ, ᐊᒻᒪᓗ ᐃᓕᖅᑯᓯᑎᒍᑦ ᑐᙵᕕᓕᓐᓂᒃ ᐊᑐᕋᑦᓴᓂᑦ.

ᐃᖅᑲᓇᐃᔮᕆᓪᓗᐊᑕᖅᑕᕗᑦ ᖃᕋᓴᐅᔭᒃᑯᑦ ᖃᒡᒋᖅ, ᖃᕋᓴᐅᔭᒃᑯᑦ ᐃᓂᑦᓴᖅ ᓴᖅᑭᖅᑎᑕᐅᔪᒪᓕᓚᐅᖅᓯᒪᕗᖅ ᐱᖅᑯᓯᑐᖃᖅᑎᒍᑦ ᐃᓄᒻᒪᕇᑦ ᑲᑎᕝᕕᒋᔪᓐᓇᕐᓗᓂᐅᒃ ᒪᒃᑯᑦᑐᑦ ᑲᑎᑦᑐᓐᓇᕐᓗᑎᑦ, ᖃᐅᔨᓴᕐᓗᑎᑦ ᐃᓕᖅᑯᓯᕐᒥᓂᒃ, ᐊᒻᒪᓗ ᐊᑐᕈᓐᓇᕐᓗᑎᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᐃᑲᔫᑎᓂᑦ ᐋᖅᑭᑦᓱᖅᑕᐅᓯᒪᔪᑦ ᑖᒃᑯᓄᖓ. ᑕᒪᒃᑯᐊ ᐃᑲᔫᑎᑦᓴᑦ, ᖃᕋᓴᐅᔭᒃᑯᑦ ᐊᑐᕋᑦᓴᐅᔪᑎᒍᑦ ᐊᑐᖅᑐᒥᓃᑦ ᐱᙳᐊᕈᑎᒋᔭᑦᓴᑦ, ᐋᖅᑭᑦᓱᖅᑕᐅᓯᒪᔪᑦ ᐃᑲᔪᖅᑕᐅᖁᓪᓗᒋᑦ ᒪᒃᑯᑦᑐᑦ ᐊᑦᓱᕈᖅᑎᓪᓗᒋᑦ ᐊᑦᓱᕈᓗᐊᖅᑐᑦ, ᓯᕘᕋᔪᑦ, ᐊᒻᒪᓗ ᐋᓐᓂᓗᐊᖅᓯᒪᔪᑦ ᑐᙵᕕᖃᑦᓴᐃᓐᓇᕐᓗᑎᑦ ᐃᓕᖅᑯᓯᖓᓂᒃ ᑭᓇᐅᓂᕐᒥᓂᒃ ᐊᒻᒪᓗ ᓄᓇᓕᒻᒥᐅᑦ ᐱᒻᒪᕆᒋᔭᖏᑦ.

ᐅᑉᐱᕈᓱᑉᐳᒍᑦ ᐃᑉᐱᒋᑦᑎᐊᕐᓗᒋᑦ ᓯᓚᑐᓂᖏᑦ ᐃᓄᒻᒪᕇᑦ ᐱᖅᑯᓯᖏᑦ ᐊᒻᒪᓗ ᐊᑐᓕᖅᑎᑕᐅᓗᑎᑦ ᐊᑐᖅᑕᐅᓯᒪᓂᑯᑦ ᑐᙵᕕᒋᓪᓗᒋᑦ ᖃᐅᔨᔭᒥᓃᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔾᔪᓰᑦ ᐊᑐᖅᑕᐅᓲᑦ, ᖃᐅᔨᒪᑦᑎᐊᕐᓗᑎᑦ ᑕᒪᐃᓐᓂ ᐃᑲᔫᑎ ᐋᖅᑭᑦᓱᖅᑕᕗᑦ ᑐᑭᒧᐊᕈᑎᒋᔭᐅᔪᑦ ᓂᐱᒋᔭᐅᔪᓂᒃ ᐊᒻᒪᓗ ᑭᙴᒪᒋᔭᐅᔪᓂᒃ ᓄᓇᓕᓐᓂ ᐱᔨᑦᑎᖅᐸᑦᑕᑦᑎᓐᓂ. ᖃᐅᔨᒪᔭᐅᔪᑦ ᑲᑐᔾᔭᐅᓂᖏᑎᒍᓪᓘᓐᓃᑦ, ᒪᒃᑯᑦᑐᓄᑦ ᓯᕗᒃᑲᖅᑖᖑᔪᑦ ᑲᑎᒪᓂᐅᔪᑎᒍᑦ; ᐅᕝᕙᓘᓐᓃᑦ ᓄᓇᓕᓐᓂ ᖃᓄᐃᓕᐅᕈᑎᒋᔭᖏᑎᒍᑦ, ᑕᕝᕙᐅᒐᑦᑕ ᐋᖅᑮᓗᑕ ᐊᑯᓂᐅᔪᒧᑦ ᐊᑦᑐᐃᓂᖃᐅᖅᑐᓂᒃ ᒪᑭᒃᑲᓐᓂᒻᒪᕆᓕᕐᓗᑕ ᐊᒻᒪᓗ ᐃᓅᖃᑎᖃᓕᕐᓗᑕ.

ᑖᓐᓇ ᐱᓕᕆᐊᖅ ᐱᒋᐊᕈᑎᒋᔭᐅᑐᐃᓐᓇᖅᑐᖅ ᐊᑯᓂᐅᔪᒧᑦ ᑕᐅᑐᙳᐊᖅᑕᐅᔪᒧᑦ ᐊᑐᖅᑕᐅᔪᒪᓛᖅᑐᒧᑦ. ᐱᕈᖅᐸᓪᓕᐊᑎᓪᓗᑕ, ᓄᓇᓖᑦ ᖃᐃᖁᕙᕗᑦ, ᒪᒃᑯᑦᑐᑦ, ᐊᒻᒪᓗ ᓯᕗᓕᖅᑎᐅᔪᑦ ᐃᓚᐅᕝᕕᒋᓗᑎᒍᑦ ᑕᕝᕙᓂ ᐊᑐᖅᑕᑦᑎᓐᓂ. ᑕᒪᑉᑕ, ᓯᕗᓂᑦᓴᓕᐅᖅᑐᒍᑦ ᒪᒃᑯᑦᑐᑦ ᐃᓄᒻᒪᕇᑦ ᐱᓕᕆᐊᖃᕈᓐᓇᓕᖅᑎᓪᓗᒋᑦ, ᑲᓱᖅᓯᒪᓗᑎᑦ ᐃᓅᖃᑎᖃᑦᑎᐊᓕᕐᓗᑎᑦ, ᐊᒻᒪᓗ ᐃᑲᔪᖅᑐᖅᑕᐅᓗᑎᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᒃᑯᑦ ᐊᖅᑯᑎᒋᔭᖏᑦ ᐊᑐᕐᓂᐊᖅᑕᖏᑦ.

ᑕᒪᑉᑕ, ᓂᕆᐅᑉᐳᒍᑦ ᐋᖅᑭᑦᓱᐃᓂᐊᕋᑦᑕ ᐊᒻᒪᓗ ᐆᑦᑐᕋᕐᓗᑕ ᖃᕋᓴᐅᔭᖅᑎᒍᑦ ᐃᑲᔫᑎᒥᒃ ᖁᕕᐊᒋᔭᐅᔪᓐᓇᖅᑐᒥᒃ, ᐊᒻᒪᓗ ᐊᑑᑎᖃᑦᑎᐊᕐᓂᕋᖅᑕᐅᓯᒪᓪᓗᓂ ᐊᒻᒪᓗ ᐃᑲᔪᖅᑐᐃᓂᖃᖅᑐᓂ, ᐊᒥᓱᓄᑦ ᒪᒃᑯᑦᑐᓄᑦ ᓄᓇᕗᒻᒥ.

NUWellnessGames−ᒃᑯᑦ ᐱᓕᕆᔨᖏᑦ ᐃᓚᐅᖃᑕᐅᓚᐅᖅᓯᒪᔪᑦ ᐃᓕᖅᑯᓯᕆᔭᐅᔪᒥᒃ ᓱᖏᐅᑎᑎᑦᑎᓪᓗᑎᑦ I-SPARX ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᐱᙳᐊᕈᑎᒥᒃ. ᐃᓄᒻᒪᕇᑦ ᒪᒃᑯᑦᑐᑦ, ᓄᓇᓕᒻᒥᐅᑕᔪᑦ, ᐊᒻᒪᓗ ᐃᓐᓇᒻᒪᕇᑦ ᐃᖅᑲᓇᐃᔭᖃᑎᒌᓚᐅᖅᑐᑦ I-SPARX ᐱᙳᐊᕈᑎᒥᒃ, ᓴᓇᔭᐅᒋᐊᙵᓚᐅᖅᓯᒪᓪᓗᓂ ᓂᐅ ᔩᓚᓐᒥᒃ, ᐃᓄᒻᒪᕇᑦ ᐃᓕᖅᑯᓯᖓᓄᑦ. ᒪᒃᑯᑦᑐᑦ ᐆᑦᑐᕋᖅᑐᒥᓃᑦ ᓱᖏᐅᑎᔭᐅᓯᒪᔪᖅ I-SPARX ᐱᙳᐊᕈᑎᒥᒃ ᐃᑲᔫᑎᖃᕈᓐᓇᕐᓂᕋᓚᐅᖅᑐᑦ, ᑭᓯᐊᓂᓕ ᐊᒥᓱᑦ ᑕᑯᔪᒪᒃᑲᓐᓂᒻᒪᕆᑦᑐᓂᑦ ᐃᓕᖅᑯᓯᖓᓂᒃ ᐱᙳᐊᕈᑎᒥᒃ. ᑕᐃᒪᐃᒻᒪᑦ ᓴᖅᑭᖅᑐᒥᓂᐅᓪᓗᓂ ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᕈᑎᒥᒃ ᐱᙳᖅᑐᓂ, ᐱᙳᐊᕈᑎ ᐋᖅᑭᑦᓱᖅᑕᐅᓯᒪᔪᖅ ᐃᓄᒻᒪᕆᓐᓄᑦ ᒪᒃᑯᑦᑐᓄᑦ ᑭᓱᑕᖃᓚᐅᙱᑦᑐᓂ ᐱᕈᖅᑐᒥᓂᐅᓪᓗᓂ, ᐱᙳᐊᕈᑎ ᑐᙵᕕᓕᒃ ᑕᒪᐃᓐᓂ ᐃᓄᒻᒪᕇᑦ ᐃᓕᖅᑯᓯᖓᓂᒃ ᐊᒻᒪᓗ ᐱᒻᒪᕆᒋᔭᖏᓐᓂᒃ. ᖃᐅᔨᒋᐊᕐᓗᒍ ᐊᓪᓕᕐᒥ ᖃᓄᖅ ᐃᓱᒪᒋᔭᐅᒋᐊᙵᓕᕐᓂᕐᒪᖔᖅ ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᕈᑎ.

ᑲᒪᒋᔭᖃᕆᐊᕐᓂᕗᑦ ᐱᓕᕆᖃᑎᒌᒍᑕᐅᓯᒪᓪᓚᕆᑉᐳᖅ ᐊᒻᒪᓗ ᐃᑉᐱᒍᓱᖃᑎᒌᓐᓂᕐᒥᒃ.

ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᕈᑎ ᐋᖅᑭᑦᓱᖅᑕᐅᓚᐅᖅᓯᒪᔪᖅ ᐃᑲᔪᖅᑐᖅᑕᐅᖁᓪᓗᒋᑦ ᒪᒃᑯᑦᑐᑦ ᓴᙵᑦᑎᕆᒃᑲᓐᓂᒻᒪᕆᓪᓗᑎᑦ ᐃᓅᖃᑎᖃᕈᓐᓇᕐᓂᖏᓐᓂᒃ ᐊᒻᒪᓗ ᐃᓕᖅᑯᓯᖏᑦ ᐱᒻᒪᕆᒋᔭᖏᑦ ᐊᒻᒪᓗ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᐊᓂᒎᑎᖃᕈᓐᓇᖁᓪᓗᒋᑦ ᐊᑦᓱᕈᕐᓇᖅᑐᒃᑰᓕᖅᑎᓪᓗᒋᑦ. ᐱᓕᕆᔨᕗᑦ ᒫᓐᓇ ᐃᓕᖕᓂᒃ ᐆᑦᑐᕋᖁᔨᕗᑦ ᐱᙳᐊᕈᑎᒥᒃ ᐊᒻᒪᓗ ᖃᓄᐃᒻᒪᖔᖅ ᐅᖃᐅᓯᖃᕈᑕᐅᓪᓗᑎᑦ.

ᖃᕋᓴᐅᔭᒃᑯᑦ ᖃᒡᒋᖅ ᐊᓯᒥᓄᑦ ᓈᓚᑦᑕᐅᔭᕆᐊᖃᙱᑦᑐᓂ, ᐱᙳᐊᕐᓇᖅᑑᓪᓗᓂ ᐱᔪᓐᓇᖅᑎᑦᑎᕗᖅ ᐃᓄᒻᒪᕇᑦ ᒪᒃᑯᑦᑐᑦ ᐊᑐᕈᓐᓇᖅᑐᑦ ᓄᑖᕐᓂᒃ ᐃᑲᔫᑎᓂᑦ ᑐᙵᕕᖃᖅᑐᒥᒃ ᐱᖅᑯᓯᕐᒥᒃ, ᑐᑭᒧᐊᑦᑎᑕᐅᓪᓗᑎᑦ ᓄᓇᓕᒻᒧᑦ, ᐊᒻᒪᓗ ᐋᖅᑭᑦᓱᖅᑕᐅᓯᒪᔪᑦ ᐃᑲᔪᖅᑕᐅᖁᓪᓗᒋᑦ ᐱᕈᖅᐸᓪᓕᐊᔪᓐᓇᕐᓂᖏᑦ.

ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᖅ ᐃᓴᑦᓯᒪᔪᖅ ᒪᕐᕉᓐᓂᒃ ᐃᔨᖃᖅᑐᑎᒃ ᑕᑯᓐᓈᕐᓂᖏᑦ ᒪᓕᑦᑐᑎᑦ ᑲᒪᒋᔭᖃᕆᐊᙵᕐᓂᖏᑦ, ᐃᓄᒻᒪᕇᑦ ᐊᒻᒪᓗ ᖃᓪᓗᓈᑦ ᖃᐅᔨᒪᓂᖏᓐᓂᒃ ᑲᑎᑎᑦᑎᓪᓗᑎᑦ ᑕᒪᐃᓐᓂ, ᐃᓕᖅᑯᓯᕐᒨᖓᔪᒥᒃ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒥᒃ ᐊᑑᑎᑦᓴᖅᑕᖃᖁᓪᓗᒍ.

ᑕᒪᐃᓐᓂ ᐊᑐᕋᑦᓴᖅ ᐃᑲᔫᑎ ᐊᒻᒪᓗ ᐊᑐᖅᑕᐅᔪᓐᓇᐅᑎᖏᑦ ᖃᕋᓴᐅᔭᒃᑯᑦ ᖃᒡᒋᑉ ᓴᓇᔭᐅᓯᒪᕗᖅ ᑐᑭᒧᐊᑦᑎᑦᑎᔪᒥᓂᐅᓪᓗᑎᑦ ᐃᓄᒻᒪᕇᑦ ᓄᓇᓕᖏᑦ, ᖃᐅᔨᒪᑦᑎᐊᖅᑐᑎᑦ ᖃᕋᓴᐅᔭᒃᑯᑦ ᖃᒡᒋᖅ ᐃᓕᖅᑯᓯᕐᒨᖓᓂᖃᑦᑎᐊᕋᓗᐊᕐᒪᖔᖅ ᐅᓗᕆᐊᓇᙱᑦᑐᒃᑯᑦ, ᖃᐅᔨᒪᔭᐅᑦᑎᐊᕐᓗᓂ ᐊᒻᒪᓗ ᑭᒃᑯᓕᒫᓂᒃ ᐱᖃᓯᐅᔾᔨᕕᐅᔪᓐᓇᕐᓗᓂ ᒪᒃᑯᑦᑐᑦ ᖃᐅᔨᓴᕈᓐᓇᖅᑐᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒥᒃ ᓇᒻᒥᓂᖅ ᓱᑲᓐᓂᕐᒥᒃ ᐊᑐᕐᓗᑎᑦ. ᐅᕙᓂ, ᑕᑯᓂᐊᕈᓐᓇᖅᑐᑦ ᐃᑲᔫᑎᑦᓴᓂᒃ ᐊᑐᕈᓐᓇᖅᑕᒥᓂᒃ ᑐᕌᖓᓂᓖᑦ ᐱᖅᑯᓯᑐᖃᖅᑎᒍᑦ ᑐᙵᕕᖏᓐᓂᒃ ᐊᒻᒪᓗ ᐅᓪᓗᒥᐅᓕᖅᑐᖅ ᐅᑦᓱᕉᑕᐅᕙᑦᑐᓂᒃ, ᐱᓕᕆᐊᖃᕈᒪᓕᖅᑎᓪᓗᒋᑦ ᑲᒪᒋᔭᖃᕐᓗᑎᑦ ᐊᔾᔨᒌᑦᑐᓂᒃ ᐊᑐᖅᑕᐅᓲᓂᒃ ᐊᑦᓱᕈᕈᑎᓂᒃ ᒪᑭᒃᑲᓐᓂᕈᓐᓇᓕᕐᓗᑎᑦ.