ᐱᓕᕆᔨᕗᑦ
ᐃᓕᖅᑯᓯᕐᒧᑦ ᐅᖃᐅᔾᔨᒋᐊᖅᑏᑦ
ᑑᕕ ᑐᑯᒻᒥᖅ
ᑑᕕ ᐸᒥᐅᖅ ᑐᑯᒻᒥᖅ ᐸᓂᒋᔭᐅᕗᖅ, ᐊᑦᓴᒋᔭᐅᓪᓗᓂ/ᐊᔭᒋᔭᐅᓪᓗᓂ, ᐊᓈᓇᒋᔭᐅᓪᓗᓂ, ᐊᒻᒪᓗ ᐊᓈᓇᑦᓯᐊᕆᔭᐅᓪᓗᓂ. ᑑᕕ ᖃᒪᓂ’ᑐᐊᕐᒥᐅᑕᖅ ᐃᓚᖏᓪᓗ. ᓯᓚᑐᐃᓐᓇᕐᒦᒍᒻᒪᐅᔪᖅ ᐊᒻᒪᓗ ᐃᖅᑲᐅᒪᑦᑎᓐᓇᖅᑐᓕᐅᕈᒪᓪᓗᓂ. ᑑᕕ ᐅᑉᐱᕈᓱᑦᑐᖅ ᐱᒻᒪᕆᐅᒐᒥ ᐃᒻᒥᓄᑦ ᓱᓕᔫᖃᑦᑕᕐᓗᓂ ᐊᒻᒪᓗ ᐃᓅᓯᖅ ᖃᓄᐃᓐᓂᐊᕐᒪᖔᖅ ᒪᑐᐃᖅᐸᓪᓕᐊᓗᓂ ᐊᑐᖅᑕᐅᓂᐊᖅᑐᖅ.
ᑦᓯᐅᓪᓯ ᓯᖑᕆ
ᑦᓯᐅᓪᓯ ᓯᖑᕆ, ᐃᓕᖅᑯᓯᓕᕆᓂᕐᒧᑦ ᐅᖃᐅᔾᔨᒋᐊᖅᑎ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᖓᓄᑦ ᐊᒻᒪᓗ ᓴᖅᑭᑦᑎᔨ Nunabox−ᒃᑯᓐᓂᒃ, ᓯᕗᓕᖅᑎᐅᕗᖅ ᐃᓕᖅᑯᓯᕐᒨᖓᓂᖃᐅᕋᓗᐊᕐᒪᖔᑦ ᓄᓇᓕᐅᔪᖅ ᐃᓚᐅᖃᑕᐅᑎᑕᐅᑎᓪᓗᒍ ᑐᙵᕕᖃᕐᓗᑎᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ. ᒥᑦᑎᒪᑕᓕᒻᒦᙶᕐᓂᑯᖅ, ᓄᓇᕗᒻᒥ, ᐃᓄᒃᑎᑑᓲᖅ, ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐊᒻᒪᓗ ᐊᐅᓪᓚᑲᑕᓲᖅ ᓂᐅ ᕗᕋᓐᔅᕕᒃ−ᒥ ᐊᒻᒪᓗ ᐃᖃᓗᓐᓄᑦ ᓇᓕᐊᓐᓄᕋᖅᑐᓂ. Nunabox−ᒃᑯᑦᑎᒍᑦ, ᑦᓯᐅᓪᓯ ᐋᖅᑭᑦᓱᐃᓯᒪᓂᑯᖅ ᐱᖁᑎᓂᒃ ᑐᙵᕕᖃᕐᓗᓂ ᖃᓄᐃᑦᑕᐃᓕᓂᕐᒧᑦ ᐋᓐᓂᐊᖅᑕᐃᓕᒪᓂᕐᒧᓪᓗ ᐱᓕᕆᐊᕐᒥᒃ ᐊᒻᒪᓗ ᓯᕗᒃᑲᖅᑕᖅᑎᐅᓚᐅᖅᓯᒪᓪᓗᓂ ᓄᓇᓕᓐᓂ ᓯᕗᒧᐊᑦᑎᑦᑎᒍᑕᐅᔪᓂᒃ ᐱᕙᓪᓕᐊᔪᓕᕆᓂᕐᒨᖓᔪᓂᑦ, ᖃᐅᔨᒪᑦᑎᐊᖅᑎᑦᑎᓪᓗᓂ ᐱᓕᕆᐊᑦ ᐋᖅᑭᒍᑕᐅᒐᓗᐊᕐᒪᖔᑕ ᒪᓕᑦᑐᒋᑦ ᐱᓕᕆᖃᑎᒌᓐᓂᖅ, ᐅᑉᐱᕈᓱᖃᑦᑕᐅᑎᓂᖅ, ᐊᒻᒪᓗ ᐃᑉᐱᒍᓱᑦᑎᐊᕐᓂᒃᑰᖓᒐᓗᐊᕐᒪᖔᑦ. ᐱᓕᕆᐊᖃᖅᑎᐅᓪᓗᐊᑕᓚᐅᖅᓯᒪᔪᖅ ᐱᓕᕆᐊᕐᓂᒃ ᓲᕐᓗᒃ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪᓗ ᓂᕿᑦᑎᐊᕙᓕᕆᓂᕐᒧᑦ ᐃᓕᓐᓂᐊᖅᑎᑦᑎᒍᑎᒥᒃ ᓄᓇᕗᑦ ᒪᒃᑯᑦᑐᓄᑦ (ᑲᓇᑕᒥ ᐊᓂᕐᓂᖃᕐᓇᙱᑦᑐᓕᕆᓂᕐᒧᑦ ᑎᒥᖓ, 2022-2024), ᖃᒡᒋᖅ ᐊᑭᑐᓗᐊᙱᑦᑐᑦ ᐃᒡᓗᑦᓴᐅᒐᔭᖅᑐᑦ ᐋᖅᑭᑦᓱᖅᑕᐅᓯᒪᓂᖏᑦ (ᐊᑦᑐᐃᓂᖃᕐᓂᖏᑦ ᑲᓇᑕ, 2020-2022), ᐊᒻᒪᓗ ᑲᑎᙵᓂᖅ ᓄᓇᓕᐸᐅᔭᐅᑦᑎᐊᕙᑦᑐᑦ ᑐᑦᓯᕋᐅᑎ (2018-2019), ᑲᓱᖅᑎᑦᑎᓪᓗᓂ ᖃᓄᖅᑑᖅᓯᒪᔪᓂᒃ ᐃᓄᐃᑦ ᐃᓕᖅᑯᓯᑦᑎᐊᕚᓗᖏᓐᓂᒃ ᐱᒻᒪᕆᒋᔭᖏᑦ.
ᓄᓇᕗᒻᒥ ᑐᙵᕕᓖᑦ ᖃᐅᔨᓴᖅᑎᐅᔪᑦ
ᐊᒡᒋᐅᖅ ᑎᒦᑐᕋᒃ
ᐊᒡᒋᐅᖅ ᑎᒦᑐᕋᒃ, ᖃᐅᔨᒪᔭᐅᓲᖑᒻᒥᔪᖅ ᓇᐅᓪᓚᕐᒥᒃ, 19−ᓂᒃ ᐅᑭᐅᓕᒃ ᐃᓄᒃ ᐃᖃᓗᑦᑑᑦᓯᐊᖅ, ᓄᓇᕗᒻᒥ ᐱᕈᖅᓴᓂᑯᖅ. ᐅᓪᓗᒥᐅᔪᖅ ᐃᓕᓐᓂᐊᖅᑐᖅ ᐃᓄᐃᑦ ᐃᓕᓐᓂᐊᖅᑕᐃᓕᓂᖏᓐᓂᒃ ᓄᓇᕗᑦ ᓯᕗᓂᒃᓴᕗᒻᒥ, ᐱᓕᕆᐊᖃᕈᒪᓂᖃᑦᑎᐊᖅᑐᖅ ᐊᔭᐅᕆᓂᕐᒥᒃ, ᐃᓱᒪᑦᑐᑦ ᐋᓐᓂᐊᖅᑕᐃᓕᒪᓂᕐᒥᒃ, ᐱᙳᐊᖅᑐᓕᕆᓂᕐᒥᒃ, ᐊᒻᒪᓗ ᐃᓄᐃᑦ ᐱᖅᑯᓯᖏᓐᓂᒃ ᐊᑐᖃᑦᑕᕐᓂᕐᒥᒃ. ᐃᖃᓗᓐᓄᑦ ᐋᑐᕚᒧᓪᓗ ᓄᑦᑎᖅᓯᒪᓪᓗᓂ ᐃᓕᓐᓂᐊᕆᐊᖅᑐᓂ, ᓴᐱᓕᔪᐃᑦᑑᕗᖅ ᑲᓱᖅᓯᒪᓂᖃᑦᑎᐊᒃᑲᓐᓂᕈᒪᒻᒪᕆᓐᓂᖓᓂᒃ ᐃᓄᐃᑦ ᐃᓕᖅᑯᓯᖓᓄᑦ ᐅᖃᐅᓯᖓᓄᓪᓗ ᐃᖅᑲᓇᐃᔮᖃᖅᑐᓂ ᐃᑲᔪᖅᑐᐃᓪᓗᓂ ᓄᓇᓕᖓᓂᒃ ᐊᒻᒪᓗ ᒪᒃᑯᑦᑐᑦ ᖃᓄᐃᑦᑕᐃᓕᒪᓂᖏᓐᓂᒃ. ᐅᑉᐱᕈᓱᑦᑐᖅ ᑲᓱᖅᓯᒪᓂᖃᕐᓗᓂ ᐃᓕᖅᑯᓯᕐᒧᑦ ᐅᖃᐅᓯᕐᒧᓪᓗ ᐱᒻᒪᕆᐊᓘᒻᒪᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᓕᓐᓂᐊᕐᓗᓂ, ᐃᑲᔪᕐᓗᓂ ᒪᑭᑉᐹᓪᓕᕐᓂᕐᒥᒃ, ᑭᓇᐅᓂᕐᒥᒃ, ᐊᒻᒪᓗ ᑐᕌᖓᓂᖃᕐᓂᕐᒥᒃ ᐃᓅᖃᑎᒋᔭᐅᔪᓄᑦ, ᓲᕐᓗᒃ ᐱᓗᐊᕐᓗᒍ ᒪᒃᑯᑦᑐᓄᑦ ᐃᓅᖃᑎᖃᕐᓂᕐᒥᒃ. ᐃᑲᔪᕐᓂᖃᖅᑐᓂ ᑕᒪᔅᓱᒧᖓ ᐱᓕᕆᐊᕐᒧᑦ ᑕᒪᒃᑯᓂᖓ ᐱᓕᕆᐊᖃᕈᒻᒪᐅᔾᔪᑎᖏᓐᓂᒃ ᐊᑑᑎᖃᑦᑎᐊᖅᑐᒃᑯᑦ.
ᒍᕋᐃᔅ ᑐᑯᒻᒥᖅ
ᒍᕋᐃᔅ ᑐᑯᒻᒥᖅ ᖃᒪᓂ’ᑐᐊᕐᒥᐅᑕᐅᕗᖅ, ᓄᓇᕗᒻᒥ, ᐊᒻᒪᓗ ᐃᓚᐅᖃᑕᐅᓯᒪᓂᑯᖅ I-SPARX ᑕᐃᒪᙵᑦ ᓯᕗᓪᓕᖅᐹᑦᑎᐊᕐᒥᒃ ᒪᒃᑯᑦᑐᓂᒃ ᐱᓕᕆᔨᑖᕋᓱᐊᖅᓯᒪᓕᖅᑎᓪᓗᑕ ᓄᓇᕗᒻᒥ. ᖃᒪᓂ’ᑐᐊᕐᒨᕋᒥ ᐱᓕᕆᐊᖅ, ᐃᓚᐅᖃᑕᐅᓚᐅᖅᓯᒪᔪᖅ ᑲᑐᔾᔨᓪᓗᓂ ᐃᓱᒪᒋᔭᕐᒥᓂᒃ ᐊᑐᓕᖅᑎᑕᐅᓗᑎᑦ ᐃᓄᐃᑦ ᐃᓕᖅᑯᓯᖓᓂᒃ ᐱᙳᐊᕈᑎᒧᑦ, ᐱᕐᔪᐊᕌᓘᒋᔭᕆᓪᓗᓂᐅᒃ ᐃᓕᓐᓂᐊᖏᓐᓇᖅᑎᓪᓗᒍ ᓱᓕ ᓇᒻᒥᓂᖅ ᐃᓕᖅᑯᓯᕐᒥᓂᒃ. ᒍᕋᐃᔅᒧᑦ, ᐃᓚᖓᑦ ᐊᑑᑎᖃᑦᑎᐊᓛᖑᓂᖃ ᐃᖅᑲᓇᐃᔭᖃᑎᖃᖅᑐᓂ NUWellnessGames−ᒃᑯᑦ ᖃᓄᑎᒋ ᐃᓴᒃᓯᒪᑎᑦᑎᓂᖃᕐᓂᖓ ᐃᓚᒌᑦᑐᓂᒃ. ᐊᖓᔪᖅᑳᖑᓪᓗᓂ ᕿᑐᕐᖓᖃᖅᑐᓂ, ᐸᐃᕆᔨᑦᓴᓂᒃ ᓇᓂᓯᓇᓱᓪᓗᓂ ᐃᓛᓐᓂᒃᑯᑦ ᐊᑦᓱᕈᕐᓇᓲᖑᒻᒪᑦ, ᑭᓯᐊᓂᓕ ᑖᓐᓇ ᐱᓕᕆᐊᖅ ᐃᓂᖃᖅᑎᑦᑎᔪᖅ ᐊᖓᔪᖅᑳᕆᔭᐅᔪᓄᑦ ᕿᑐᕐᖓᓕᓐᓄᑦ ᐃᓚᐅᖃᑕᐅᒍᓐᓇᑦᑎᐊᕐᓗᑎᑦ – ᑐᙵᓱᐊᑎᑦᑎᑐᐃᓐᓇᙱᒻᒪᑕ ᒪᒃᑯᑦᑐᓂᑦ, ᑭᓯᐊᓂᓕ ᕿᑐᕐᖓᒥᓂᓪᓗ ᑐᙵᓱᐊᑎᑦᑎᓂᖃᖅᑐᓂ. ᓇᑦᓴᕈᓐᓇᖅᑐᓂᐅᒃ ᐱᐊᕋᖓ, ᑎᐊᔅᒪᓐ, ᐃᖅᑲᓇᐃᔭᖃᑎᒌᒋᐊᖅᑐᖅᑐᖃᖅᑎᓪᓗᒍ ᐃᑲᔫᑎᓕᒻᒪᕆᐊᓘᓯᒪᕗᖅ, ᐃᑲᔪᕈᓐᓇᖅᑎᑦᑎᓪᓗᓂ ᖃᓂᒋᔭᖃᖅᓯᓐᓈᕐᓗᓂ ᕿᑐᕐᖓᒥᓂᒃ. ᖁᔭᓕᔪᖅ ᐃᓚᒋᔭᐅᔪᓐᓇᕋᒥ ᐱᓕᕆᔨᐅᔪᓄᑦ ᑐᑭᓯᐅᒪᓪᓚᕆᑦᑐᑦ ᐊᒻᒪᓗ ᐃᑲᔪᖅᑐᐃᔪᑦ ᐃᓅᓯᓪᓚᑦᑖᕐᒥᒃ ᓄᓇᓕᒻᒥ ᐊᒻᒪᓗ ᐃᓚᒌᑦᑐᓂᑦ.
ᐊᐃᔪᓛᖅ ᐅᓱᐃᑦᑐᖅ
ᐊᐃᔪᓛᖅ ᐊᓄᒑᖅ ᐅᓱᐃᑦᑐᖅ ᑭᙵᕐᓃᙶᖅᑐᖅ, ᓄᓇᕗᑦ. ᐃᓄᒻᒪᕆᐅᓪᓗᓂ ᒪᒃᑯᑦᑐᖅ, ᖁᕕᐊᓱᑦᑎᐊᖅᑐᖅ ᐃᓚᒋᔭᐅᒋᐊᖓ ᐱᓕᕆᐊᕐᒧᑦ ᐱᒋᐊᓚᐅᖅᓯᒪᔪᖅ ᑭᓱᑕᖃᙱᑦᑎᓪᓗᒍ ᐱᕚᓪᓕᖅᓯᒪᔭᐅᔪᖅ ᐊᒻᒪᓗ ᐱᕈᕐᓂᑰᓪᓗᓂ ᐊᑑᑎᖃᑦᑎᐊᖅᑐᒧᑦ. ᑕᑯᓪᓗᓂᐅᒃ ᐱᕙᓪᓕᐊᒍᑎᒋᔭᐅᓯᒪᓂᖓ ᐅᓪᓗᒥᒧᑦ ᐊᒻᒪᓗ ᓯᕗᒧᑦ ᑕᐅᑐᑦᑐᑎᑦ ᑭᖑᓪᓕᕐᒥᒃ ᖃᓄᐃᓕᐅᕈᑕᐅᓂᐊᕐᓂᖓᓂᒃ ᐱᓕᕆᐊᖃᕈᑎᒋᔪᒪᒻᒪᕆᓕᖅᓯᒪᔭᖓ. ᑭᓱᓕᕆᙱᑦᑕᕌᖓᒥ, ᐊᐃᔪᓛᖅ ᐱᖃᑎᖏᓐᓂᒃ ᐃᓚᒥᓂᓪᓗ ᐃᓅᖃᑎᖃᕈᒪᓲᖅ. ᐱᓕᕆᐊᖃᕈᒪᔪᒻᒪᕆᐅᕗᖅ ᐱᙳᐊᕐᓂᕐᒥᒃ, ᐱᓗᐊᖅᑐᒍ ᕼᐊᑭᕐᓂᕐᒥᒃ, ᖁᕕᐊᒋᓛᕆᖃᑦᑕᕐᓂᑯᖓ ᖃᓄᐃᓕᐅᕈᑕᐅᔪᖅ.
Jamilyn Kalluk
I’m Jamilyn Kalluk, and I hail from the picturesque town of Arctic Bay. As a mother of two lovely children, my life is filled with joy and excitement. When I’m not busy parenting, you can find me strolling through the Arctic landscape on a sunny day, soaking up the serene atmosphere, or spending quality time with my family. We love going on picnics, having bonfires, and playing in the snow together in the winter- it’s the perfect way to appreciate the beauty of nature and create lasting memories. I envision myself as an amazing mom and role model, inspiring my kids to grow into compassionate, driven, and joyful individuals who live life to the fullest, pursue their passions, and make a positive impact in the world.
ᓕᐅ ᑎᒥᓛᖅ
ᓕᐅ ᒫᑎᐅ ᑎᒥᓛᖅ ᐃᓅᓚᐅᖅᓯᒪᔪᖅ ᑭᒻᒥᕈᑦ, ᓄᓇᕗᒻᒥ, ᒥᑭᔪᑯᓗᒃ ᓄᓇᓕᒃ ᕿᑭᖅᑖᓘᑉ ᓂᒋᐊᓂ. ᐃᓄᒃᑎᑑᓲᖅ ᐊᒻᒪᓗ ᐅᐃᕖᑎᑑᕈᓐᓇᒐᓚᑦᓱᓂ ᐊᒻᒪᓗ ᐱᕈᖅᓴᓚᐅᖅᓯᒪᔪᖅ ᐱᙳᐊᑐᖃᑲᑕᕈᓘᔭᖅᑐᓂᒃ, ᓯᓚᒥ ᐊᓃᖅᑐᓂᒃ, ᐊᒻᒪᓗ ᓂᔾᔭᐅᓯᔭᖅᑐᓂᑦ, ᐱᓕᕆᐊᖃᕈᒪᓕᕐᓂᑯ ᐊᑖᑕᖓ ᑕᐃᒪᐃᓕᐅᖃᑦᑕᕐᓂᖓᓄᑦ. ᖃᐅᔨᒪᔭᐅᔪᖅ ᐸᐳᒥ ᓱᕈᓯᐅᔪᒻᒪᓂᒃ – ᑐᑭᓕᒃ “ᐊᖑᑎᕋᓛᖅ” – ᐊᑦᑎᖅᑕᐅᓕᓚᐅᖅᓯᒪᒻᒥᔪᖅᐃᓄᑯᑖ, ᑐᑭᓕᒃ “ᑕᑭᔪᖅ ᐃᓄᒃ.” ᒫᓐᓇ ᑯᐸᐃᒃ ᓯᑎᒦᖃᑦᑕᓲᖅ ᑭᒻᒥᕈᒻᒥᓗ, ᓯᕗᓂᒃᓴᖅᑖᕋᓱᐊᖅᑐᖅ ᓂᔾᔭᐅᓯᔭᕐᓂᕐᒥᒃ ᑲᓱᖅᓯᒪᓯᓐᓈᖅᑐᓂ ᓄᓇᓕᒥᓄᑦ. ᓂᔾᔭᐅᓯᔭᖅᑐᓂᒃ ᐃᙱᐅᓯᓕᐅᖅᑐᑦ ᖃᓄᖅᑑᕈᑕᐅᓯᒪᔪᓂᒃ ᐊᓯᖏᓐᓂᒃ ᐱᓕᕆᐊᖃᓲᖑᒻᒥᔪᖅ, ᐃᑲᔪᖅᑐᓂ ᓇᐃᑦᑐᓂᒃ ᑕᕐᕆᔮᒃᓴᓕᐅᖅᑐᓂᑦ ᐊᒻᒪᓗ ᐃᑉᐱᒋᔭᐅᑦᑎᐊᓕᖅᑐᓂ ᐱᙳᐊᖅᑐᓕᕆᓂᕐᒧᑦ ᓇᓗᓇᐃᒃᑯᑕᖅᑖᖅᓯᒪᓂᖓᓄᑦ. ᐃᓚᒋᔭᐅᓪᓗᓂ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᖃᑎᖃᕈᓐᓇᖅᑎᑦᑎᓲᑦ, ᐃᓕᓐᓂᐊᕐᓗᓂ, ᐊᒻᒪᓗ ᑲᑐᔾᔨᓗᓂ ᖃᐅᔨᒪᓂᕐᒥᒃ ᐊᑑᑎᖃᑦᑎᐊᖅᑐᒃᑯᑦ. ᓂᕆᐅᑦᑐᖅ ᐱᙳᐊᕈᑎ ᑎᒍᒥᐊᕐᓂᐊᕐᒪᑦ ᐃᓄᐃᑦ ᐃᓕᖅᑯᓯᖓᑕ ᐃᓚᖓᓂᒃ ᓯᕗᒧᐊᓕᖅᑎᓪᓗᒍ, ᐱᙳᐊᕐᓂᒃᑰᒐᓗᐊᕈᓂ ᐅᕝᕙᓘᓐᓃᑦ ᖁᕕᐊᓱᒍᑎᒋᔭᐅᑐᐃᓐᓇᕐᓗᓂ ᑕᑯᓗᒍ ᓂᖓᖅᑕᐅᖃᑦᑕᕐᓂᖓᓂᒃ ᖃᕋᓴᐅᔭᒃᑯᑦ ᐊᑐᖅᑕᐅᓂᐊᕋᒥ ᓄᓇᓕᖓᓂ.
ᓖᑎᐊ ᑲᓪᓗᒃ
ᓖᑎᐊ ᑲᓪᓗᒃ ᐅᐱᒍᓱᑦᑑᓪᓗᓂ ᐃᓄᒻᒪᕆᐅᕗᖅ ᐊᕐᓇᖅ ᐊᒻᒪᓗ ᐃᓄᒃᑎᑐᑦ ᐃᙱᖅᑎᐅᔪᒪᔪᖅ ᓄᓇᕗᒻᒥᐅᑕᖅ. ᐃᓄᐃᑦ ᐱᖅᑯᓯᖓᓅᖓᒻᒪᕆᑦᑐᓂ, ᓖᑎᐊ ᑎᑎᕋᓲᖅ ᐃᙱᒐᕐᒥᒃ ᐃᙱᓲᖑᓪᓗᓂᓗ ᐃᓄᒃᑎᑐᑦ, ᑲᑎᑎᑦᑎᓪᓗᓂ ᐱᖅᑯᓯᑐᖃᖅᑎᒍᑦ ᐱᖃᓯᐅᔾᔭᐅᒍᓐᓇᖅᑐᓂᒃ ᐅᓪᓗᒥᒨᖓᔪᓄᑦ ᓂᐱᓕᓐᓄᑦ. ᐸᐸᑦᑎᔪᒪᔪᒻᒪᕆᐅᕗᖅ ᐃᓄᐃᑦ ᐅᖃᐅᓯᖏᓐᓂᒃ ᐊᒻᒪᓗ ᐃᓕᖅᓯᑯᖓᓂᒃ ᐃᙱᕐᓂᒃᑯᑦ. ᐃᙱᖅᑎᐅᓯᓐᓈᖅᑎᓪᓗᒍ, ᓖᑎᐊ ᐊᔭᐅᕆᔪᒻᒪᕆᐅᓲᖅ ᒪᒃᑯᑦᑐᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᓐᓇᓱᐊᖅᑐᓂᒋᑦ ᓄᓇᓕᖓᓂ ᐊᒻᒪᓗ ᓄᓇᕗᒻᒥ. ᓖᑎᐊ ᐅᑉᐱᕈᓱᑦᑐᖅ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓗᓂ ᐱᒻᒪᕆᐊᓘᒋᐊᖓᓂᒃ ᒫᓐᓇᐅᔪᖅ ᐱᓗᐊᖅᑐᒍ ᐊᒻᒪᓗ ᓯᕗᓪᓕᔾᔨᔭᕆᐊᖃᖅᑐᒍᑦ ᒪᒃᑯᑦᑐᓂᑦ ᐊᑑᑎᑦᓴᒥᓂᒃ ᐃᑲᔪᖅᑐᐃᔾᔪᑎᒥᓂᓪᓗ ᐊᑐᕆᐊᓕᒻᒥᓂᒃ ᐊᑦᓱᕈᕈᑎᐅᔪᓂᑦ ᐊᑐᖅᑎᓪᓗᒋᑦ. ᒪᑭᒃᑲᓐᓂᖅᑎᑦᑎᓇᓱᐊᖃᑦᑕᕐᓗᓂ ᐊᒻᒪᓗ ᐊᑦᑕᓇᙱᑦᑐᓂᑦ ᐃᓂᑦᓴᓕᐅᖃᑦᑕᕐᓗᓂ ᒪᑐᐃᖓᔪᒃᑯᑦ ᐅᖃᓪᓚᑦᑐᖃᖃᑦᑕᕐᓗᓂ, ᐃᑲᔪᕈᓐᓇᖅᑐᒍᑦ ᖃᓄᐃᙱᓐᓂᖅᓴᑯᓗᒻᒥᒃ ᓯᕗᓂᑦᓴᓕᐅᕐᓗᑕ ᓄᓇᓕᑦᑎᓐᓄᑦ. ᓖᑎᐊ ᓴᐱᓕᔪᐃᑦᑑᓪᓗᓂ ᐱᓕᕆᐊᖃᐃᓐᓇᖅᑐᖅ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᖓᓄᑦ, ᐱᓕᕆᐊᖅ ᐃᑲᔪᕋᓱᐊᖅᑐᖅ ᒪᒃᑯᑦᑐᓂᑦ ᐃᓄᐃᑦ ᒪᒃᑯᑦᑐᓂᑦ ᓄᓇᕗᒻᒥ ᐃᓕᑉᐹᓪᓕᖁᓪᓗᒋᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᓂᒎᑎᖃᕈᓐᓇᕈᑎᓂᒃ. ᑖᒃᑯᑎᒎᓇᖅ ᐱᓕᕆᐊᖅᑎᒍᑦ, ᓂᕆᐅᑦᑐᖅ ᐱᐅᒧᒃᑯᑦ ᐊᑦᑐᐃᓂᖃᕋᔭᕐᓂᖓᓂᒃ ᖃᓄᐃᑦᑕᐃᓕᓂᖏᓐᓄᑦ ᒪᒃᑯᑦᑐᑦ ᐃᓄᐃᑦ ᐃᓕᖅᑯᓯᖓᑎᒍᑦ ᐊᒻᒪᓗ ᓄᓇᕗᒻᒥ ᓄᓇᓕᖏᓐᓄᑦ.
ᕉᔅᒥᐊᕆ ᐊᓕᕙᖅᑕᖅ
ᕉᔅᒥᐊᕆ ᐋᓂ ᐅᖔᖅ ᐊᓕᕙᖅᑕᖅ ᐸᓐᓂᖅᑑᕐᒦᙶᖅᑐᖅ, ᓄᓇᕗᒻᒥ. ᖁᕕᐊᓱᑦᑐᒻᒪᕆᐅᕗᖅ ᐃᓱᒪᒋᔭᐅᓯᒪᔪᓂᒃ ᑕᐅᑐᙳᐊᖅᑕᐅᓯᒪᔪᓂᒃ ᑲᑎᑦᑐᑎᑦ ᐊᑕᐅᑦᑎᒨᓲᖅᑕᐅᓪᓗᑎᑦ, ᐱᓗᐊᖅᑐᒋᑦ ᑎᑎᖅᑐᒐᐅᔭᖅᓯᒪᓂᖏᑦ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᖓᓅᖅᑕᐅᓯᒪᔪᑦ. ᕉᔅᒥᐊᕆ ᖁᕕᐊᒋᔭᓕᒻᒪᕆᒃ ᐊᒡᒐᒥᓄᑦ ᓴᓇᓗᓂ, ᐃᖅᑲᓇᐃᔮᖃᕐᓗᓂ ᑎᑎᖅᓯᕕᐅᓯᒪᙱᑦᑐᓂᑦ ᐸᐃᑉᐹᕐᓂᒃ ᐊᒻᒪᓗ ᐊᒥᐊᕐᕕᑦᓴᓂᒃ ᐃᓱᒪᒋᔭᖏᑦ ᐃᓅᓯᖃᖅᑑᔮᓕᖅᑎᑦᑐᓂᒋᑦ. ᐅᑭᐅᑭᑦᑐᑯᓘᓂᖓᓂᒃ, ᖁᕕᐊᒋᔭᖃᕆᐊᙵᓕᓚᐅᖅᓯᒪᔪᖅ ᑎᑎᖅᑐᒐᐅᔭᖅᑐᓂ ᐃᓕᓐᓂᐊᕈᑎᑦᓴᒥᓄᑦ, ᐊᓕᐊᓇᐃᒋᓪᓚᕆᒃᑲᒥᐅᒃ ᑕᑯᑦᓴᐅᑎᑦᑎᔪᖅ.
ᐊᓯᖏᑦ ᐱᓕᕆᔩᑦ ᑕᕝᕙᓂ ᐅᑯᐊᖑᕗᑦ:
ᕗᕈᒃ ᖃᑦᓯᔭ, ᑲᓐᑕᔅ ᐹᓇᐹᓯ, ᐄᑕᓐ ᒫᓂᖕ, ᐆᓂ ᓚᐃᔪᓪ, ᑕᐃᕉᓐ ᐱᐅᒑᑦᑐᐊᓗᒃ.
YorkU based Researchers
ᓯᑕᐸᓂ ᒪᑭᐊᓐᔨ – ᓯᓚᑦᑐᖅᓴᕐᕕᕐᔪᐊᕐᒥ ᐃᓕᓐᓂᐊᕇᖅᑎᐅᔪᖅ
ᓯᑕᐸᓂ ᓂᕆᐅᑦᑐᖅ ᐃᓚᒋᔭᐅᖃᑕᐅᓛᓕᕆᐊᖓᓂᒃ ᑲᓇᑕᒥ ᖃᑦᑏᓐᓇᑯᓗᐃᑦ ᓄᓇᖃᖅᑳᖅᓯᒪᔪᑦ ᒪᒥᓴᐃᓂᕐᒧᑦ ᐃᓱᒪᓕᕆᔨᐅᓗᓂ. ᐱᓕᕆᐊᑦᓴᖃᙱᒐᐃᒐᒥᒃ, ᓯᑕᐸᓂ ᑕᑯᑦᓴᐅᑎᑦᑎᓲᖅ ᐊᓐᓄᕌᖅᓯᒪᓪᓗᓂ ᓄᓇᖃᖅᑳᖅᓯᒪᔪᓄᑦ ᐊᓐᓄᕌᓕᐊᕆᔭᐅᓯᒪᔪᓂᒃ, ᑕᐃᒪᐃᑦᑎᓪᓗᒍ ᑲᑐᔾᔨᔪᓐᓇᑦᑎᐊᖅᑕᖓᓂᒃ ᑲᑐᔾᔨᓗᓂ ᐊᔪᙱᑦᑐᒻᒪᕆᐅᔪᑦ ᓴᓇᔭᒥᓂᖏᑦ. ᓂᕆᓲᖅ ᐸᓚᐅᒐᔾᔨᐊᕆᔭᐅᕋᑖᕐᓂᑯᓂᒃ ᔮᖃᒻᒪᕆᑦᑐᒍ ᓱᑐᕌᕕᐅᕆᒥᒃ ᓂᕆᖃᑎᒋᓪᓗᒋᑦ ᐃᓚᖏᑦ ᐊᒻᒪᓗ ᒧᒥᓲᖅ ᐃᑦᕿᓖᑦ ᐊᖏᔪᖅᑕᖏᓐᓂᒃ ᐊᑐᖅᑐᓂ ᐅᕝᕙᓘᓐᓃᑦ ᓄᕕᔭᐅᓯᒪᓐᓂᒃ ᓯᐅᒻᒥᐅᑖᕐᓂᒃ ᐊᑐᖅᑐᓂ ᓄᓇᖃᖅᑳᖅᓯᒪᔪᑦ ᒧᒥᖅᑎᓪᓗᒋᑦ. ᕿᒻᒥᕋᓛᖃᕐᒥᔪᖅ ᔪᐊᑭᒥᒃ ᐊᑎᓕᒃ ᓂᓂᑯᒥᒃ.
ᓯᐊᕋ ᐸᓛᑦ – ᖃᐅᔨᓴᖅᑏᑦ ᐃᑲᔪᖅᑎᖓ
ᓯᐊᕋ NUWellnessGames−ᒃᑯᓐᓄᑦ ᐱᓕᕆᖃᑎᒋᔭᐅᓲᖑᕗᖅ. ᓯᐊᕋ ᖁᕕᐊᓱᑦᑐᖅ ᐃᖅᑲᓇᐃᔭᖃᑕᐅᒋᐊᑦᓴᒥᒃ ᑖᔅᓱᒥᖓ ᐊᔾᔨᐅᙱᑦᑐᒥᒃ ᐱᓕᕆᐊᕐᒥᒃ. ᐃᓚᐅᖃᑕᐅᖑᒻᒥᔪᖅ ᐃᓄᐃᑦ ᑭᒃᑯᑐᐃᓐᓇᐃᑦ ᐋᓐᓂᐊᖅᑕᐃᓕᒪᑎᐅᓂᖏᓐᓄᑦ ᖃᐅᔨᓴᖅᑐᓂᑦ ᐃᓅᓯᓕᕆᓂᕐᒧᑦ ᖃᐅᔨᓴᕐᕕᖓᓂᒃ. ᐃᖅᑲᓇᐃᔭᙱᒐᐃᒐᒥᓕ, ᑕᑯᔭᐅᔪᓐᓇᓲᖅ ᐅᖃᓕᒫᖅᑎᓪᓗᒍ, ᐱᓱᕋᑦᑐᓂ, ᐊᒻᒪᓗ ᐅᔭᖅᑲᓂᒃ ᓄᐊᑦᑎᓪᓗᓂ ᓄᓇᒥ!
ᔨᔨ ᔮᖕ – ᖃᐅᔨᓴᖅᑏᑦ ᐃᑲᔪᖅᑎᖓ
ᔨᔨ ᐃᓚᒋᔭᐅᖃᑕᐅᕗᖅ NUWellnessGames−ᒃᑯᑦ ᐱᓕᕆᔨᖏᓐᓄᑦ ᐊᒻᒪᓗ ᓯᓚᑦᑐᖅᓴᕐᕕᕐᔪᐊᕐᒥ ᐃᓕᓐᓂᐊᖅᑐᖅ ᔪᐊᒃ ᓯᓚᑦᑐᖅᓴᕐᕕᕐᔪᐊᖓᓂ. ᔨᔨ ᖁᔭᒋᔭᓕᒃ ᐃᓚᒋᔭᐅᖃᑕᐅᒋᐊᑦᓴᖅ ᐱᓕᕆᐊᖃᕈᑕᐅᔪᒧᑦ, ᐃᓚᐅᖃᑕᐅᔪᓐᓇᕋᒥᒃ ᖁᕕᐊᒋᓛᖓᓂᒃ ᑲᒪᓪᓗᓂ ᐱᙳᐊᖅᑐᓂ ᖃᕋᓴᐅᔭᒃᑯᑦ ᐊᒻᒪᓗ ᓯᓚᑦᑐᖅᓴᕐᕕᕐᔪᐊᕐᒥ ᐱᓕᕆᐊᖃᕈᒪᓂᖓᓗ ᑲᑎᑦᑐᓂᐅᓪᓗ ᐃᖅᑲᓇᐃᔭᖃᑎᖃᖅᑐᓂ ᐱᐅᔪᒻᒪᕆᓐᓂᒃ ᐱᓕᕆᔨᓂᒃ. ᐃᓕᓐᓂᐊᕇᕈᓂ, ᓂᕆᐅᑦᑐᖅ ᐃᓕᓐᓂᐊᒃᑲᓐᓂᓛᕋᒥᒃ ᐱᕙᓪᓕᐊᔪᑦ ᐃᓱᒪᓕᕆᔭᐅᓂᖏᓐᓂᒃ, ᐃᖅᑲᓇᐃᔭᖃᑎᖃᓗᐊᕐᓗᓂ ᓄᑕᖅᑲᓂᒃ ᒪᒃᑯᑦᑐᓂᓪᓗ ᐋᓐᓂᐊᖅᑕᐃᓕᓂᖏᑦ ᐊᔾᔨᒌᙱᓐᓂᒃᑯᑦ ᐃᓕᖅᑯᓯᖃᐅᖅᑐᓂᒃ. ᐃᓕᓐᓂᐊᙱᒐᐃᒐᒥᒃ, ᖁᕕᐊᒋᔭᓕᒃ ᐃᒐᓪᓗᓂ, ᐱᙳᐊᖅᑐᓂ ᖃᕋᓴᐅᔭᒃᑯᑦ, ᐊᒻᒪᓗ ᑳᑦ−ᖓᓂᒃ ᐃᕿᒻᒥᑦᑎᓪᓗᓂ ᓴᕐᓕᐊᖅᑐᓂᐅᒃ ᕕᓐᓯᐊᓐᑦ.
ᐃᓴᐱᐅᓪ ᐊᓐᑐᓂᓪᓕ – ᖃᐅᔨᓴᖅᑏᑦ ᐃᑲᔪᖅᑎᖓ
ᐃᓴᐱᐅᓪ ᐃᓚᒋᔭᐅᕗᖅ NUWellnessGames−ᒃᑯᑦ ᐱᓕᕆᔨᖏᓐᓄᑦ ᓯᓚᑦᑐᖅᓴᕐᕕᕐᔪᐊᕐᒥ ᐃᓕᓐᓂᐊᖅᓯᓐᓈᖅᑐᓂ ᓇᓗᓇᐃᒃᑯᑕᖅᑖᕋᓱᐊᖅᑐᓂ. ᐃᓕᓐᓂᐊᕇᕈᓂ, ᓂᕆᐅᑦᑐᖅ ᐃᓕᓐᓂᐊᕋᔭᕋᒥᒃ ᐃᓅᓯᓕᕆᓂᕐᒥᒃ, ᐃᓄᐃᑦ ᖃᓄᐃᑦᑑᓂᖏᓐᓂᒃ, ᐱᕙᓪᓕᐊᓂᕐᒥᒃ, ᐊᒻᒪᓗ ᐃᓕᖅᑯᓯᖃᖃᑎᒌᙱᑦᑐᑦ ᐃᓱᒪᓕᕆᔭᐅᓂᖏᑦ ᓇᓗᓇᐃᔭᑦᑎᐊᖅᓯᒪᔪᒃᑯᑦ. ᐃᓕᓐᓂᐊᙱᒐᐃᒐᒥᒃ, ᐃᓴᐱᐅᓪ ᖁᕕᐊᒋᔭᓕᒃ ᒧᒥᖅᑐᓂ, ᐅᖃᓕᒫᖅᑐᓂ, ᐃᒐᒃᑯᑦ ᓂᖅᑎᐅᖅᑐᓂ, ᐊᒻᒪᓗ ᐊᑭᓕᖅᓱᖅᑕᐅᒐᓂ ᐃᖅᑲᓇᐃᔭᖃᑎᒋᓪᓗᓂᒋᑦ ᓄᑕᖅᑲᑦ ᕼᐊᒧᓪᑕᓐ−ᒥ.
ᓂᐊ ᑲᑲᕐ – ᖃᐅᔨᓴᖅᑏᑦ ᐃᑲᔪᖅᑎᖓ
ᓂᐊ ᐃᓚᒋᔭᐅᕗᖅ NUWellnessGames−ᒃᑯᑦ ᐱᓕᕆᔨᖏᓐᓄᑦ. ᐃᖅᑲᓇᐃᔮᓕᒃ ᐅᓪᓗᒥ ᓯᓚᑦᑐᖅᓴᕐᕕᕐᔪᐊᕐᒥ ᓇᓗᓇᐃᒃᑯᑕᖅᑳᕋᓱᐊᖅᑐᓂ ᐃᓱᒪᓕᕆᓂᕐᒥᒃ, ᓂᕆᐅᓐᓂᖃᖅᑐᓂ ᒪᒥᓴᐃᔨᐅᒐᔭᕋᒥᒃ ᐅᕝᕙᓘᓐᓃᑦ ᐱᕋᔭᑦᑐᒥᓂᕐᓄᑦ ᐃᓱᒪᓕᕆᔨᐅᓗᓂ. ᓂᐊ ᖁᕕᐊᓱᑦᑐᒻᒪᕆᐅᕗᖅ ᐃᖅᑲᓇᐃᔮᖃᕆᐊᑦᓴᖅ ᑖᔅᓱᒥᖓ ᐱᓕᕆᐊᕐᒥᒃ ᖁᔭᒋᔭᖃᕐᓂᖓᓄᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᓂᕐᒥᒃ, ᐃᓄᐃᑦ ᐃᓕᖅᑯᓯᖓᓂᒃ, ᐊᒻᒪᓗ ᖃᓄᖅᑑᖅᑕᐅᓯᒪᔪᓂᒃ ᖃᕋᓴᐅᔭᕐᒨᖓᔪᕈᓘᔭᕐᓂᒃ. ᐱᓕᕆᐊᑦᓴᖃᙱᒐᐃᒐᒥᒃ, ᖁᕕᐊᒋᔭᓕᒃ ᐃᓕᓐᓂᐊᖅᑎᑦᑎᓪᓗᓂ ᒧᒥᕐᓂᕐᒥᒃ, ᕿᓚᐅᔾᔭᖅᑐᓂᑦ ᐃᓚᐅᖃᑕᐅᓲᖒᓪᓗᓂ, ᐊᑭᓕᖅᓱᖅᑕᐅᒐᓂ ᐃᖅᑲᓇᐃᔭᖅᑐᓂ ᓄᑕᖅᑲᓕᕆᓂᕐᒥᒃ, ᐊᒻᒪᓗ ᐱᖃᑎᖏᓐᓂᒃ ᐃᓚᒥᓂᓪᓗ ᐃᓅᖃᑎᖃᕆᐊᑦᓴᖅ.
ᓱᐲᐊ ᐸᓛᒻᒥᓂ – ᖃᐅᔨᓴᖅᑏᑦ ᐃᑲᔪᖅᑎᖓ
ᓱᐲᐊ ᐃᓚᒋᔭᐅᖃᑕᐅᕗᖅ NUWellnessGames−ᒃᑯᑦ ᐱᓕᕆᔨᖏᓐᓄᑦ ᓯᓚᑦᑐᖅᓴᕐᕕᕐᔪᐊᕐᒥ ᓇᓗᓇᐃᒃᑯᑕᖅᑖᕋᓱᐊᖅᑐᓂ ᐃᓱᒪᓕᕆᓂᕐᒥᒃ. ᐅᐱᒍᓱᑦᑐᒻᒪᕆᐅᕗᖅ ᐃᖅᑲᓇᐃᔭᖃᑎᖃᕆᐊᑦᓴᖅ ᑖᒃᑯᓂᖓ ᐱᓕᕆᔨᖏᒃ ᑖᔅᓱᒥᖓ ᐊᔾᔨᐅᙱᑦᑐᒥᒃ ᐱᕕᖃᕈᑎᒧᑦ ᐃᑲᔪᕈᒪᓪᓗᓂ ᐊᑑᑎᖃᑦᑎᐊᖅᑐᒥᒃ ᖃᐅᔨᓴᕐᓂᕐᒥᒃ ᓄᑕᖅᑲᑦ ᐱᕈᖅᐸᓪᓕᐅᓂᖏᓐᓄᑦ ᐊᒻᒪᓗ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ. ᐱᓕᕆᐊᑦᓴᖃᙱᒐᐃᒐᒥᒃ, ᓱᐲᐊ ᖁᕕᐊᒋᔭᓕᒃ ᐊᑭᓕᖅᓱᖅᑕᐅᒐᓂ ᐃᖅᑲᓇᐃᔭᖅᑐᓂ ᐃᑲᔪᖅᑐᓂ, ᐊᓃᖅᑐᓂ, ᐊᒻᒪᓗ ᐅᖃᓕᒫᖅᑐᓂ ᐅᖃᓕᒫᒐᕐᓂᒃ.
ᐊᓛᓇ ᑲᓛᒃ – ᖃᐅᔨᓴᖅᑏᑦ ᐃᑲᔪᖅᑎᖓ
ᐊᓛᓇ ᑲᓛᒃ NUWellnessGames−ᒃᑯᓐᓄᑦ ᐃᖅᑲᓇᐃᔭᖃᑎᒋᔭᐅᕗᖅ ᓯᓚᑦᑐᖅᓴᕐᕕᕐᔪᐊᕐᒥ ᓇᓗᓇᐃᒃᑯᑕᖅᑖᕋᓱᐊᖅᑐᓂ ᐃᓱᒪᓕᕆᓂᕐᒥᒃ. ᐃᓱᒪᓕᕆᔨᐅᓗᓂ ᒪᒥᓴᐃᔨᐅᔪᒪᕗᖅ ᐊᒻᒪᓗ ᐋᓐᓂᓗᐊᖅᓯᒪᔪᓂᒃ ᐱᓕᐊᖃᓗᐊᖅᑐᑦ ᑐᑭᓯᐅᒪᑦᑎᐊᖅᑐᑎᑦ ᐃᓱᒪᓕᕆᔨᙳᕐᓗᓂ. ᖁᔭᒋᔭᓕᒃ ᖁᕕᐊᓱᑦᑐᓂᓗ ᐱᕕᖃᑦᑎᐊᕐᓂᖓᓂᒃ ᐃᑲᔪᕐᓗᓂ ᐊᑦᑐᐃᓂᖃᑦᑎᐊᒻᒪᕆᑦᑐᒥᒃ ᖃᐅᔨᓵᕐᒥᒃ. ᐱᓕᕆᐊᑦᓴᖃᙱᒐᐃᒐᒥᒃ, ᐊᑭᓕᖅᓱᖅᑕᐅᒐᓂ ᐃᖅᑲᓇᐃᔭᕈᒻᒪᐅᕗᖅ, ᐃᖃᐃᓕᓴᖅᑐᓂ, ᑕᑯᕋᓐᓈᖅᑐᓂ ᐊᓕᐊᓇᐃᒋᓛᖏᓐᓂᒃ ᐊᑲᐅᓯᓇᕆᔭᖏᑦ ᑕᕐᕆᔮᑦ (ᓲᕐᓗᒃ Big Bang Theory), ᐊᒻᒪᓗ ᒪᕐᕉᓐᓂᒃ ᕿᒻᒥᖏᓐᓂᒃ ᕗᕆᐊᓐᓯᐅᓂᕋᖅᑕᐅᔪᓂᑦ!
ᐊᒥᓱᓂᒃ ᐱᓕᕆᐊᑦᓴᖃᕐᓂᑦᑎᓐᓄᑦ ᑲᒪᓲᖑᕗᒍᑦ ᐊᔾᔨᒌᙱᑦᑐᓂᑦ
ᐱᙳᖅᑎᑕᐅᓚᐅᖅᓯᒪᓪᓗᓂ, 2018−ᒥ ᖃᕋᓴᐅᔭᓕᕆᓂᕐᒧᑦ ᑲᒪᓯᒪᔪᒻᒪᕆᐅᔫᒃ ᒪᐃᒃ ᐊᒻᒪᓗ ᐃᕙᓐ ᑎᔅᐸᓪᑦ ᐊᒥᓱᐊᓗᓐᓂᒃ ᐊᕐᕌᒍᓂᒃ ᐃᖅᑲᓇᐃᔮᕆᔭᐅᖃᑦᑕᖅᓯᒪᓪᓗᑎᑦ ᐊᖏᔪᓄᑦ ᓲᕐᓗᒃ Microsoft−ᒃᑯᑦ ᐊᒻᒪᓗ Electronic Arts−ᒃᑯᑦ, Many Hats Software−ᒃᑯᑦ ᐱᓕᕆᔨᒻᒪᕆᐅᓪᓗᑎᑦ ᐱᙳᐊᖅᑎᓕᐅᕐᓂᕐᒧᑦ ᖃᐅᔨᒪᔭᕐᒥᓂᒃ ᐃᑲᔪᕐᓂᓖᑦ ᑖᔅᓱᒧᖓ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᕐᒧᑦ. ᐱᓕᕆᔨᓕᒫᕗᑦ ᑲᒪᒋᔭᖃᓲᑦ ᑕᒪᐃᓐᓂ ᖃᕋᓴᐅᔭᒃᑯᑦ ᐋᖅᑭᑦᓱᖅᑕᐅᔾᔪᑎᖏᓐᓂᒃ ᑖᒃᑯᓄᖓ iOS ᐊᒻᒪᓗ Android ᐅᖄᓚᐅᑎᕋᓚᖅᑎᒍᑦ ᐱᙳᐊᕈᑎᒥᒃ, ᐋᖅᑭᑦᓱᐃᓯᓐᓈᖅᑐᓂ ᐱᙳᐊᖅᑐᑦ ᐃᓄᙳᐊᖏᓐᓂᒃ ᐊᒻᒪᓗ ᓄᓇᙳᐊᖓᓂᒃ ᓴᓇᔭᐅᔪᒪᓕᖅᓯᒪᔪᑦ ᐊᔾᔨᖃᖅᑎᑕᐅᓗᑎᑦ ᑕᐅᑐᙳᐊᒐᕆᔭᐅᔪᓂᒃ ᐊᒻᒪᓗ ᐃᓕᖅᑯᓯᕐᒧᖓᔪᓂᒃ ᐅᖃᐅᓯᒥᓂᖏᑦ ᓄᓇᕗᒻᒥᐅᑕᐅᔪᑦ ᒪᒃᑯᑦᑐᖏᑕ.
ᑖᔅᓱᒪᑉ ᐱᓕᕆᐊᑉ ᐱᒻᒪᕆᒋᓕᖅᓯᒪᔭᖓᑦ ᐱᕕᖃᖅᑎᑕᐅᒐᑦᑕ ᐊᓯᔾᔨᕐᓗᒋᑦ ᓴᓇᙳᐊᖅᑏᑦ ᐃᓱᒪᒋᔭᖏᑦ ᐊᒻᒪᓗ ᐃᓕᖅᑯᓯᕐᒥᒃ ᖃᐅᔨᒪᓂᖏᑦ ᒪᒃᑯᑦᑐᓂᑦ ᐊᑐᖅᑕᐅᔪᓐᓇᓕᕐᓗᑎᑦ ᐃᑲᔪᖅᑐᐃᓂᖃᕐᓂᐊᕐᒪᑕ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒥᒃ ᓇᓪᓕᐅᓂᖅᓯᐅᓯᓐᓈᕐᓗᑎᑦ ᐃᓄᐃᑦ ᐃᓕᖅᑯᓯᖓᓂᒃ. ᐊᑐᖅᑕᐅᔪᓐᓇᕐᒥᔪᑦ ᓲᕐᓗᒃ ᐃᓕᖅᑯᓯᕐᒨᖓᔪᑦ ᑐᖅᑯᐃᕕᖓ ᐊᑑᑎᖃᑦᑎᐊᖅᑐᒃᑯᑦ ᑲᓱᖅᑎᑦᑎᔾᔪᑕᐅᔪᓐᓇᖅᑐᖅ ᐱᖅᑯᓯᕐᒥᓄᑦ.
ᐱᓕᕆᖃᑎᒌᑦᑐᒃᑯᑦ ᑲᒪᒋᔭᖃᕆᐊᕐᓂᕗᑦ ᐃᒪᐃᖃᑦᑕᕆᐊᖃᕐᓂᑰᕗᒍᑦ ᑲᑎᒪᖃᑎᒌᖃᑦᑕᕐᓗᑕ ᐱᓕᕆᐊᖃᖃᑎᒌᑦᑐᖁᑎᑦᑎᓐᓂᒃ ᐊᒻᒪᓗ ᒪᒃᑯᑦᑐᓂᒃ ᐅᖃᐅᔾᔨᒋᐊᖅᑎᓂᑦ, ᑕᑯᑦᓴᐅᑎᑦᑎᓯᓐᓈᖅᑐᑕ ᐱᕙᓪᓕᐊᓂᑦᑎᓐᓂᒃ ᐊᒻᒪᓗ ᐊᑐᓕᖅᑎᑦᑐᒋᑦ ᐱᒻᒪᕆᐊᓗᐃᑦ ᐅᖃᐅᓯᕆᖃᑦᑕᕐᓂᑯᒥᓂᖏᑦ. ᑖᓐᓇ ᐱᓕᕆᖃᑎᒌᖏᓐᓇᕐᓂᖅ ᖃᐅᔨᒪᑦᑎᐊᖅᑎᑦᑎᔪᖅ ᐱᙳᐊᕈᑎ ᐱᓪᓚᑦᑖᕐᒥᒃ ᑭᒡᒐᖅᑐᐃᒐᓗᐊᕐᒪᖔᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑐᖅᑕᐅᓯᓐᓈᕈᓐᓇᐃᓐᓇᕐᓗᓂ ᑲᒪᒋᔭᖃᖅᑐᒃᑯᑦ ᐱᒻᒪᕆᐅᔪᓂᒃ ᐱᔾᔪᑎᓂᒃ ᓲᕐᓗᒃ ᐊᓯᒥᓂᒃ ᐃᓕᕋᓵᖃᑦᑕᕐᓂᖅ ᐊᒻᒪᓗ ᐃᑉᐱᓐᓂᐊᔾᔪᑎᓂᒃ ᐊᐅᓚᑦᑎᓂᕐᒥᒃ.
Many Hats Software−ᒃᑯᓐᓂ, ᐅᑉᐱᕈᓱᑦᑐᒍ ᖃᕋᓴᐅᔭᕈᓘᖓᔪᑦ ᐱᔾᔪᑎᖃᕆᐊᖃᕐᒪᑕ ᐊᑐᖅᑕᐅᑎᓪᓗᒋᑦ ᐊᓕᐊᓇᐃᒍᓲᑕᐅᑐᐃᓐᓇᙱᓪᓗᑎᑦ, ᐊᒻᒪᓗ ᐅᐱᒍᓱᑉᐳᒍᑦ ᐃᑲᔪᕈᓐᓇᕋᑦᑕ ᐊᑐᐃᓐᓇᐅᒪᑎᑦᑎᓗᑕ ᖃᐅᔨᒪᔭᒻᒪᕆᑦᑎᓐᓂᒃ ᐱᓕᕆᐊᕐᒧᑦ ᐱᒻᒪᕆᐅᓪᓗᓂ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᐃᑲᔪᑎᑦᓴᓕᐅᖅᑐᑕ ᓄᓇᓕᐅᔪᑦ ᐱᔭᕆᐊᖃᓪᓚᕆᓛᕆᔭᖏᓐᓄᑦ.
ᒫᑕᓖᓐ ᖁᒻᒧᐊᖅᑐᖅ – Researcher and Cultural Advisor
ᒫᑕᓖᓐ ᐋᓯᕙᒃ ᖁᒻᒧᐊᖅᑐᖅ ᐸᓐᓂᖅᑑᕐᒥᐅᑕᐅᕗᖅ. ᑎᑎᖅᑐᒐᖅᑎ ᐊᒥᐊᕆᔨ ᐊᒻᒪᓗ ᐊᔾᔨᓕᐅᕆᔨ, ᐃᑲᔪᖅᐸᑦᑐᖅ ᖃᓄᖅᑑᖅᓯᒪᔪᓂᒃ ᓴᓇᔭᐅᓂᖏᓐᓂᒃ ᐊᒻᒪᓗ ᐊᑐᕋᑦᓴᓂᑦ ᖃᓄᖅᑑᖅᓯᒪᓂᖃᐅᖅᑎᑦᑎᓪᓗᓂ ᐃᑲᔪᓲᖅ ᐱᓕᕆᔨᐅᔪᓄᑦ. ᒫᑕᓖᓐ ᐊᒥᓱᓂᑦ ᐱᒻᒪᕆᐅᔪᓂᒃ ᐱᓕᕆᐊᖃᖃᑦᑕᕐᓂᑰᕗᖅ, ᐊᖓᔪᖅᑳᕆᔭᐅᑲᐃᓐᓇᖅᑐᓂ ᓄᓇᕘᒥ ᐊᕐᓇᓄᑦ ᑲᑎᒪᔨᓄᑦ, ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᓄᑦ, ᐊᔭᐅᕆᔨ ᑐᓵᔨᓗ ᐃᓄᒃᑐᑦ ᐅᖃᐅᓯᖓᓂᒃ, ᐊᒻᒪᓗ ᐅᖃᐅᔾᔨᒋᐊᖅᑎ ᑲᓇᑕᒥ ᒥᕐᖑᐃᓯᕐᕕᓕᕆᔨᒃᑯᓐᓄᑦ. ᒫᑕᓖᓐ ᐃᓕᖅᑯᓯᕐᒧᑦ ᐅᖃᐅᔾᔨᒋᐊᖅᑎᐅᕗᖅ ᑖᒃᑯᓄᖓ NUWellnessGames−ᒃᑯᑦ ᐱᓕᕆᔨᖏᓐᓄᑦ. ᐅᖃᐅᔾᔨᒋᐊᓲᖅ ᐊᒻᒪᓗ ᐃᑲᔪᖅᑐᓂ ᐃᓚᓕᐅᔾᔭᐅᒐᓗᐊᕐᒪᖔᖅ ᐃᓄᐃᑦ ᖃᐅᔨᒪᔭᑐᖃᖏᑦ, ᐱᖅᑯᓯᑐᖃᖅᑎᒍᑦ ᐃᓄᒻᒪᕇᑦ ᖃᐅᔨᒪᓂᖏᑦ ᐊᒻᒪᓗ ᐱᒻᒪᕆᒋᔭᖏᑦ ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᕈᑎᖓᓄᑦ.
ᕉᕙᓐ ᖃᐅᓐᓇᖅ – Researcher and Cultural Advisor
ᕉᕙᓐ ᖃᐅᓐᓇᖅ ᐃᖃᓗᓐᓂ ᐃᓅᓚᐅᖅᓯᒪᔪᖅ ᐊᒻᒪᓗ ᐱᕈᖅᓴᓂᑰᓪᓗᓂ ᐃᒃᐱᐊᕐᔪᒻᒥ. ᓴᓇᙳᐊᖅᑎ, ᐱᙳᐊᖅᑎ, ᐅᒥᐊᖅᑐᖅᑎ, ᐃᓕᖅᑯᓯᕐᒥᒃ ᐃᓕᓴᐃᔨᐅᓪᓗᓂ, ᐅᑉᐱᕈᓱᑦᑐᖅ ᐃᓅᓯᖓ ᐋᖅᑭᑦᑕᐅᓯᒪᒐᒥ ᑖᒃᑯᓄᖓ ᓄᓇᒧᑦ ᐊᒻᒪᓗ ᐊᕙᑎᖓᓄᑦ. ᐱᔭᕇᖅᓯᒪᓪᓗᓂ ᐊᔭᓕᒃ ᐱᓕᕆᐊᖓᓂᒃ, ᐅᒥᐊᕐᔪᐊᒃᑰᖃᑦᑕᕐᓂᑯ Tall Ships Expeditions Canada−ᒃᑯᓐᓄᑦ ᐊᒻᒪᓗ ᓄᓇᓕᒻᒥᓄᐊᖓᔪᒻᒪᕆᐅᓪᓗᓂ. ᐃᓄᒻᒪᕇᑦ ᖃᐅᔨᓴᖅᑏᑦ ᐃᑲᔪᖅᑎᒋᔭᐅᓪᓗᓂ ᐊᒻᒪᓗ ᐃᓕᖅᑯᓯᕐᒧᑦ ᐅᖃᐅᔾᔨᒋᐊᖅᑎᐅᓪᓗᓂ ᔪᐊᒃ ᓯᓚᑦᑐᖅᓴᕐᕕᕐᔪᐊᖓᓄᑦ, ᕉᕙᓐ ᐃᑲᔪᖅᓯᒪᔪᖅ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᐅᕙᑦᑐᓂᑦ ᐱᓕᕆᐊᕐᓂᒃ ᓄᓇᕗᓕᒫᕐᒥ, ᐱᖃᓯᐅᑎᓪᓗᒍ Making I-SPARX Fly in Nunavut,, ᐃᓄᒻᒪᕇᑦ ᒪᒃᑯᑦᑐᑦ ᐃᓚᒌᓪᓗ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ ᐊᐃᑦᑑᑖᓘᓂᖓᓂᒃ, ᖃᒡᒋᖅ ᖃᕋᓴᐅᔭᒃᑯᑦ ᖃᒡᒋᖅᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᐊᓛᖑᖃᑕᐅᓚᐅᖅᓯᒪᔪᖅ ᐃᒃᐱᐊᕐᔪᒻᒥ ᐊᒻᒪᓗ ᐱᔭᕇᖅᓯᓯᒪᓪᓗᓂ ᓇᓗᓇᐃᖅᓯᔩᑦ ᐃᓕᓐᓂᐊᕋᑦᓴᖓᓂᒃ. ᐅᖓᑖᓄᑦ ᐱᖓᓲᔪᖅᑐᑦ ᐊᕐᕌᒍᓂᒃ ᖃᐅᔨᓴᖅᑎᐅᓯᓕᖅᑐᓂ, ᒪᒃᑯᑦᑐᑦ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᓯᒪᓪᓗᓂ, ᓄᓇᓕᓐᓂ ᑲᑎᒪᑎᑦᑎᒋᐊᖅᑎ, ᐃᓕᖅᑯᓯᓕᕆᓂᕐᒧᑦ ᐅᖃᐅᔾᔨᒋᐊᖅᑎᐅᓪᓗᓂ, ᐊᒻᒪᓗ ᑐᓵᔨᐅᖃᑦᑕᖅᓯᒪᓪᓗᓂ, ᐃᑲᔪᖅᑐᐃᖏᓐᓇᕈᒪᔪᖅ ᐃᓄᒻᒪᕇᑦ ᒪᒃᑯᑦᑐᖏᓐᓂᒃ ᐊᒻᒪᓗ ᐃᓕᖅᑯᓯᕐᒨᖓᔪᓂᑦ ᖃᓄᐃᑦᑕᐃᓕᓂᕐᒧᑦ ᐋᖅᑮᑎᑦᑎᖃᑕᐅᓇᓱᐊᖃᑦᑕᕈᒪᓪᓗᓂ. ᐊᐅᓚᑦᑎᓂᕐᒥᒃ ᑲᒪᓗᓂ ᖁᕕᐊᒋᔭᖃᒻᒪᕆᑦᑐᓂ ᐊᒻᒪᓗ ᓄᓇᓕᑉ ᖃᓄᐃᑦᑕᐃᓕᒪᓗᒍ, ᐊᔭᐅᕇᓐᓇᖅᑐᖅ ᒪᒃᑯᑦᑐᑦ ᐃᓚᐅᖃᑕᐅᖃᑦᑕᕋᓗᐊᕐᒪᖔᑕ ᐊᒻᒪᓗ ᓴᐱᓕᔪᐃᑦᑑᓪᓗᓂ ᐱᓕᕆᐊᕐᒥᒃ ᓄᓇᓕᖓᓂ ᐅᖓᑖᓄᓪᓗ.
ᓘᑦᑖᖅ ᐃᕚᓐ ᕗᕐ – ᖃᐅᔨᓴᖅᑏᑦ ᐊᖓᔪᖅᑳᖓ
ᐃᕚᓐ ᐊᓯᐊᓂᒃ ᓄᓇᓕᕐᔪᐊᕐᒦᙶᖅᑐᓂ ᑕᒪᐅᖓ ᓄᓇᑖᖅᓯᒪᔪᖅ ᐱᖅᑯᓯᑐᖃᖅᑎᒍᑦ ᓄᓇᖁᑎᒋᔭᐅᔪᖅ ᒥᓯᓵᒐᒃᑯᓐᓄᑦ ᑯᕆᐊᑎᑦᒧᑦ, ᕼᐊᐅᑎᓇᓴᐅᓂᒃᑯᓐᓄᑦ, ᐊᒻᒪᓗ ᕼᐅᕌᓐ−ᕕᓐᑖᑦ ᓄᓇᖁᑎᖓᓄᑦ. ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᖅᑎᐅᓪᓗᓂ ᔪᐊᒃ ᓯᓚᑦᑐᖅᓴᕐᕕᕐᔪᐊᖓᓂ, ᐱᔪᓐᓇᑦᑎᐊᖅᓯᒪᔪᖅ ᐊᐅᓪᓚᖃᑦᑕᕐᓗᓂ ᐃᖅᑲᓇᐃᔭᕐᓗᓂᓗ ᑲᔾᔮᕐᓇᒻᒪᕆᑦᑐᒥᒃ ᓄᓇᕗᒻᒥ, ᐊᒻᒪᓗ ᐃᖅᑲᓇᐃᔭᖃᑎᖃᖃᑦᑕᕐᓗᓂ ᐃᓄᒻᒪᕇᑦ ᓄᓇᓕᖏᓐᓂ. ᐃᕚᓐ ᐅᑉᐱᕈᓱᒻᒪᑦ ᑲᓇᑕᑉ ᐊᑐᖃᑦᑕᕐᓂᑯᒥᓂᖏᑦ ᐱᔪᓐᓇᐅᑎᖏᑦ ᓄᑕᖅᑲᑦ ᒪᒃᑯᑦᑐᓪᓗ, ᐱᓗᐊᖅᑐᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᑦᑐᖏᑦ, ᐱᓕᕆᐊᕆᔪᒥᓇᒻᒪᕆᑦᑎᑕᐅᓯᒪᔪᑦ, ᐊᒻᒪᓗ ᖃᐅᔨᓴᖅᑎᒻᒪᕇᑦ ᐊᒻᒪᓗ ᒪᒥᓴᖅᑏᑦ ᐃᑲᔪᕆᐊᖃᕐᒪᑕ ᐱᐅᓯᑎᑕᐅᓗᓂ ᑕᒪᓐᓇ ᐊᑐᕐᓂᓪᓘᑎᖃᖃᑦᑕᖅᓯᒪᓂᑯᖏᑦ ᑖᒃᑯᓄᖓ ᐃᓄᓐᓄᑦ. ᐃᓱᒪᑖᖅᓯᒪᔪᖅ ᑕᒪᐃᓐᓂ ᓄᓇᓖᑦ ᐱᐅᓛᒃᑯᑦ ᖃᐅᔨᓴᕐᓂᒃᑯᑦ ᐃᑲᔫᑕᐅᓯᒪᔪᓂᒃ ᐃᑲᔫᑎᑦᓴᖅᑖᕆᐊᓖᑦ ᐊᒻᒪᓗ ᐃᑲᔪᖅᑕᐅᒋᐊᓯᓗᑎᑦ, ᐊᒻᒪᓗ ᐋᓐᓂᖅᑕᐃᓕᒪᓂᐅᔪᑦ ᖃᓄᐃᑦᑕᐃᓕᓂᕐᒧᓪᓗ ᐱᓕᕆᐊᑦ ᑐᙵᕕᖃᐃᓐᓇᕆᐊᓖᑦ ᓂᕈᐊᖅᓯᒪᔭᖏᑦ ᒪᒃᑯᑦᑐᑦ ᐊᒻᒪᓗ ᓄᓇᓖᑦ ᓇᒻᒥᓂᑦᑎᐊᒻᒪᕆᒃ. ᐱᓕᕆᖃᑎᖃᕆᐊᑦᓴᖅ ᐊᒻᒪᓗ ᐃᓕᓐᓂᐊᕐᓗᓂ ᐱᒃᑲᒻᒪᕆᐊᓗᓐᓂᑦ ᖃᐅᔨᓴᖅᑎᓂᒃ ᓈᒻᒪᓈᑦᑎᐊᖅᓯᒪᓇᓱᒋᕗᖅ: ᒪᒃᑯᑦᑐᑦ ᓯᕗᓕᖅᑎᓂ ᐊᒻᒪᓗ ᑎᓴᒪᐅᔪᖅᑐᓂ ᓄᓇᓕᓐᓂ ᓄᓇᕗᒻᒥ, ᐃᓕᓐᓂᐊᖅᑏᑦ ᐊᒻᒪᓗ ᖃᐅᔨᓴᖅᑏᑦ ᐃᑲᔪᖅᑎᖏᑦ ᔪᐊᒃ ᓯᓚᑦᑐᖅᓴᕐᕕᕐᔪᐊᖓᓂᒃ ᑕᒪᐃᓐᓂ ᐋᖅᑭᑦᓱᐃᔪᑦ ᖃᓄᖅᑑᖅᓯᒪᔪᒥᒃ ᐱᙳᐊᕈᑎᒥᒃ ᑲᒪᒋᔭᖃᓕᕋᓱᐊᖅᑎᑦᑎᔪᖅ ᖃᕋᓴᐅᔭᒃᑯᑦ ᖃᒡᒋᖅ−ᑎᒍᑦ. ᐃᕚᓐ ᐱᓕᕆᙱᑦᑕᕌᖓᒥᒃ ᐃᓄᐃᑦ ᕿᒻᒥᖁᑎᖓᓂᒃ ᐆᒪᔪᖁᑎᖃᖅᑐᓂ ᐊᐃᑉᐸᕆᓪᓗᓂᐅᒃ ᖁᕕᐊᒋᓲᖓ ᐊᑎᖓ ᔮᒃᓴᓐ ᑕᐅᑐᒍᒻᒪᐅᓪᓗᓂ ᐃᕚᓐ ᓂᖅᑎᐅᓕᕋᐃᒻᒪᑦ, ᐊᒻᒪᓗ ᑕᕐᕆᔭᖅᑎᓪᓗᒍ ᐅᓐᓄᒃᑯᑦ ᑕᕐᕆᔭᖃᑎᒋᓲᖓ.
ᓕᐊ ᐊᕐᒧᕐ – ᖃᐅᔨᓴᖅᑎᒻᒪᕆᒃ ᐊᖓᔪᖅᑳᖅ
ᓕᐊ ᐃᓄᓕᕆᔨᐅᕗᖅ ᐅᖓᑖᓄᑦ 30 ᐊᕐᕌᒍᓂᑦ ᐃᑲᔪᖅᑐᐃᖃᑦᑕᕐᓂᑰᓪᓗᓂ ᐱᐊᕋᕐᓂᒃ, ᓄᑕᖅᑲᓂᑦ, ᒪᒃᑯᑦᑐᓂ ᐊᒻᒪᓗ ᐃᓚᒌᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑐᓂᒋᑦ. ᑲᒪᒋᔭᖃᐃᓐᓇᖅᑐᖅ ᐊᑭᕋᖅᑐᖅᑕᐃᓕᓂᕐᒧᑦ, ᐅᕕᓂᖏᑕ ᐊᔾᔨᒋᙱᑦᑐᓂᒋᑦ ᐱᓪᓗᒋᑦ ᐊᑭᕋᖅᑐᖅᑕᐃᓕᒪᓂᕐᒧᑦ, ᐋᓐᓂᓗᐊᖅᓯᒪᔪᑦ ᑐᑭᓯᐅᒪᔭᐅᓗᑎᑦ ᐃᑲᔪᖅᑎᐅᓇᓱᐊᖅᑐᓂ, ᐊᒻᒪᓗ ᑲᒪᒋᔭᖃᐃᓐᓇᕈᒪᓪᓗᓂ ᓄᓇᓕᓐᓄᑦ ᓯᕗᒃᑲᖅᑖᕆᔭᐅᔪᑦ, ᒪᒥᓴᖅᑕᐅᕙᑦᑐᑦ ᐃᓕᖅᑯᓯᖏᑦ ᐃᓱᒪᒋᔭᐅᓯᒪᓪᓗᑎᑦ, ᐱᓕᕆᖃᑎᒌᒍᑕᐅᔪᓪᓗ ᖃᐅᔨᓴᕐᓂᕐᒥᒃ. ᓕᐊ ᐃᓚᒋᔭᐅᕗᖅ NUWellnessGames−ᒃᑯᑦ ᐱᓕᕆᔨᖏᓐᓄᑦ ᐱᒋᐊᕈᑎᖃᖅᑳᖃᑕᐅᓚᐅᖅᓯᒪᔪᖅ ᐆᑦᑐᕋᐅᑕᐅᑎᓪᓗᒍ ᖃᐅᔨᓴᖅᑕᐅᓪᓗᓂ I(nuit)-SPARX ᐊᒻᒪᓗ ᐅᓪᓗᒥᐅᔪᖅ ᐃᑲᔪᖅᐸᑦᑐᖅ ᐱᓕᕆᐊᕐᒥᒃ ᐸᕐᓇᐃᓂᕐᒧᑦ, ᐊᑐᓕᖅᑎᑦᑎᓂᕐᒧᑦ, ᐊᐅᓚᑦᑎᓂᕐᒧᑦ, ᐅᐸᓗᖓᐃᔭᐃᓂᕐᒧᑦ, ᐊᒻᒪᓗ ᐃᖅᑲᓇᐃᔭᖃᑎᒌᒍᑕᐅᑎᓪᓗᒍ. ᓕᐊ ᖁᕕᐊᒋᔭᓕᒃ ᐃᓚᒥᓂᒃ ᐱᖃᑎᒥᓂᓪᓗ ᐃᓅᖃᑎᖃᖅᑐᓂ. ᐱᓱᙳᐊᕆᐊᑦᓴᖅ ᖁᕕᐊᒋᔭᓕᒃ ᖃᐅᔨᓴᕐᓗᓂ ᑐᕌᓐᑐᒥ ᓄᓇᖅᑲᑎᒌᕝᕕᐅᔪᓂᒃ ᐊᒻᒪᓗ ᑐᒃᑲᕆᐊᓕᑦᑐᓂ ᐊᒻᒪᓗ ᐅᓪᓚᒋᐊᖅᑐᖅᑐᓂ ᒥᕐᖑᐃᓯᕐᕕᓂ ᐊᒻᒪᓗ ᓇᖅᓴᕈᓘᔭᐅᔪᓂᒃ. ᖁᕕᐊᒋᔭᓕᒃ ᖃᖓᓕᒫᒃᑯᑦ ᐊᕐᕌᒍᒥ ᐊᓃᖅᑐᓂ, ᓕᐊ ᐊᖏᕐᕋᖅᓯᓪᓗᓂ ᐊᓕᐊᓇᐃᒍᓱᒻᒥᔪᖅ ᐊᒻᒪᓗ ᐅᖃᓕᒫᖅᑐᓂ, ᓄᕕᖅᓴᖅᑐᓂ, ᓈᓚᑦᑐᓂ ᐃᙱᖅᑐᓂᑦ ᐊᒻᒪᓗ ᑭᐱᙳᐃᔭᐅᑎᓂᒃ ᐱᙳᐊᕐᓂᒃ ᐱᙳᐊᖅᑐᓂ.
ᔪᒌᑕ ᓯᖕ – ᐱᓕᕆᐊᕐᒥᒃ ᑲᒪᔨ
ᔪᒌᑕ ᐱᙳᐊᕈᒻᒪᐅᕗᑦ ᐃᖃᐃᓕᓴᕐᓗᓂ, ᓄᓇᑐᐃᓐᓇᕐᒦᒍᒻᒪᐅᓪᓗᓂ, ᑲᒪᒍᑦᑎᐊᖅᑐᖅ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᓂᕐᒧᑦ ᖃᐅᔨᓴᕐᓂᕐᒥᒃ, ᐃᓚᒋᔭᐅᓪᓗᓂ ᑐᕌᓐᑐᒦᑦᑐᓂ NUWellnessGames−ᒃᑯᑦ ᐱᓕᕆᔨᖏᓐᓄᑦ. ᐱᓕᕆᐊᕐᒥᒃ ᑲᒪᔨᐅᔪᖅ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᖓᓄᑦ ᔪᐊᒃ ᓯᓚᑦᑐᖅᓴᕐᕕᕐᔪᐊᖓᓂ. ᔪᒌᑕ ᐅᐱᒍᓱᑦᑐᖅ ᐱᕕᖃᕐᓂᖓᓂᒃ ᐊᐅᓪᓚᑲᑕᓪᓗᓂ ᐊᖏᔪᐊᓗᒻᒥᒃ ᑲᔾᔮᕐᓇᒻᒪᕆᑦᑐᒥᒃ ᐃᓄᐃᑦ ᓄᓇᖓᓂ, ᐱᒻᒪᕆᐅᓂᖅᓴᐅᓪᓗᓂᓗ ᐱᕕᖃᕐᓂᖓᓄᑦ ᑲᕐᓗᓂ ᐃᖅᑲᓇᐃᔭᖃᑎᒋᓗᒋᓪᓗ ᑲᒪᓇᒻᒪᕆᑦᑐᑦ ᐱᓕᕆᔨᖏᑦ ᐃᓄᐃᑦ ᒪᒃᑯᑦᑐᑦ ᐊᒻᒪᓗ ᓄᓇᓕᒻᒥᐅᑕᐅᔪᑦ. ᐃᓐᑎᐊᒥ ᐃᓅᓚᐅᖅᓯᒪᔪᖅ ᑲᓇᑕᒧᑦ ᓄᑦᑎᖅᑐᒥᓂᐅᓪᓗᓂ 21−ᓂᒃ ᐅᑭᐅᖃᖅᑎᓪᓗᒍ, ᔪᒌᑕ ᖁᔭᒋᔭᓕᒻᒪᕆᒃ ᐊᑑᑎᖃᑦᑎᐊᓲᖑᓂᖓᓂᒃ ᐃᓕᖅᑯᓯᖅ ᐊᒻᒪᓗ ᓄᓇᖅᑲᑎᒌᑦᑐᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᖅᑕᐅᑎᓪᓗᒋᑦ ᐊᒻᒪᓗ ᖃᓄᐃᓕᐅᕈᑕᐅᒋᐊᕐᔫᒥᓕᕐᓂᖓᓂᒃ. ᖁᕕᐊᒋᔭᖃᒻᒪᕆᒃᑭᕗᖅᑕᐅᖅ ᐃᑲᔪᕆᐊᖏᑕ ᐃᓄᐃᑦ ᓄᓇᓕᐅᔪᓪᓗ ᐊᑐᕋᑦᓴᖃᙱᓗᐊᓲᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔾᔪᑎᓂᒃ ᐃᑲᔫᑎᑦᓴᓂᒃ. ᔪᒌᑕ ᓂᕆᐅᑦᑐᒻᒪᕆᐅᕗᖅ ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᖅ ᐱᒻᒪᕆᐅᓗᓂ ᐊᑐᕋᑦᓴᐅᒐᔭᕐᓂᖓᓂᒃ ᐊᒥᓱᓄᑦ ᓄᓇᕗᒻᒥᐅᑕᐅᔪᓄᑦ.
ᑳᓯ ᑖᓐᔾ – ᐃᓗᓕᑦᓴᖏᓐᓂᒃ ᑐᑭᒧᐊᑦᑎᑦᑎᔨ
NUWellnessGames−ᒃᑯᑦ ᐱᓕᕆᔨᖏᑦ ᐃᓚᓕᐅᔾᔨᓯᒪᕗᑦ ᑳᓯᑉ ᒪᕐᕉᓐᓂᒃ ᐱᓕᕆᐊᑦᓴᖃᕐᕕᒋᔪᒪᒻᒪᕆᓲᖏᓐᓂᒃ ᖁᕕᐊᒋᒻᒪᕆᑦᑕᖏᓐᓂᒃ: ᐱᙳᐊᕈᑏᑦ ᖃᕋᓴᐅᔭᒃᑯᑦ ᐊᒻᒪᓗ ᐃᑲᔪᖅᑐᐃᓗᓂ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᓂᕐᒥᒃ. ᐱᓕᕆᐊᑉ ᐃᓗᓕᑦᓴᖏᑦᑕ ᑐᑭᒧᐊᑦᑎᑦᑎᔨᒋᔭᐅᓪᓗᓂ, ᑳᓯ ᖃᐅᔨᒪᓇᑦᑎᐊᖅᑎᑦᑎᓲᖅ ᐃᓱᒪᒋᔭᐅᔪᑦ ᑕᐅᑐᙳᐊᖅᑕᐅᔪᓪᓗ ᐱᓕᕆᔪᑦ ᐃᓄᐃᑦ ᒪᒃᑯᑦᑐᑦ ᐊᒻᒪᓗ ᓄᓇᓕᒻᒥᐅᑦ ᐋᖅᑭᑦᑎᐊᖅᑕᐅᒐᓗᐊᕐᒪᖔᕐᒥᒃ ᐊᑐᕋᑦᓴᐅᓕᕐᓗᑎᑦ ᐱᙳᐊᕈᑎᒥ. ᑳᓯ ᐸᕐᓇᒃᓯᒪᔪᖅ ᐋᖅᑭᒃᓱᐃᓗᓂ ᐊᒻᒪᓗ ᖃᐅᔨᓴᕐᓗᓂ ᐱᒻᒪᕆᐊᓗᓐᓂᒃ ᐱᙳᐊᕈᑎᒃᑯᑦ ᐃᑲᔪᕆᐊᓯᒍᑎᑦᓴᓂᒃ. ᑕᐃᒫᒃ ᓱᓕ, ᖃᐅᔨᒪᒻᒪᑦ ᐊᑦᑐᐃᓂᖃᒻᒪᕆᒍᓐᓇᙱᒻᒪᑕ ᑖᒃᑯᐊᑎᒍᑦ ᖃᕋᓴᐅᔭᒃᑯᑦ ᖃᒡᒋᖅᑎᒍᑦ, ᖃᓄᖅᑑᖅᓯᒪᔪᖃᐅᖅᑐᓂ ᑭᒡᒐᖅᑐᐃᓗᑎᑦ ᐃᓄᐃᑦ ᐃᓕᖅᑯᓯᖓᓂᒃ ᐊᒻᒪᓗ ᓄᓇᓕᒻᒥᐅᑕᐅᖃᑕᐅᔪᓐᓇᕐᓗᑎᑦ. ᑳᓯ ᓄᓇᖃᖃᑦᑕᕐᓂᑰᕗᖅ ᐊᒥᓱᓂᑦ ᓄᓇᓕᕐᔪᐊᓂᒃ (ᑲᓇᑕ, ᓂᐊᑐᓛᓐᑦᔅ ᐊᒻᒪᓗ ᓯᙵᐳᐊᕐ). ᐅᓪᓗᒥᐅᔪᖅ, ᑐᕌᓐᑐᒥᐅᑕᐅᕗᖅ ᐃᓪᓗᒥᐅᑕᐅᖃᑎᒋᓪᓗᓂᒋᒃ ᒪᕐᕉᒃ ᐊᖏᔫᒃ ᑳᑦ−ᖏᒃ ᐊᒻᒪᓗ ᐊᑕᐅᓯᖅ ᕿᒻᒥᕋᓛᖓ ᑭᓯᐊᓂᓕ ᑭᖑᓪᓕᕐᒥᒃ ᖃᓄᐃᓕᐅᓛᖅᑕᖓᓂᒃ ᓂᕆᐅᓐᓂᖃᑦᑎᐊᖏᓐᓇᖅᑐᓂ.
ᐊᓚᐃᓇ ᑖᒪᔅ – ᓯᓚᑦᑐᖅᓴᕐᕕᕐᔪᐊᕐᒥ ᐃᓕᓐᓂᐊᕇᖅᑎᐅᔪᖅ
ᐊᓚᐃᓇ ᐃᓚᒋᔭᐅᖃᑕᐅᕗᖅ NUWellnessGames−ᒃᑯᑦ ᐱᓕᕆᔨᖏᓐᓄᑦ. ᑕᓪᓕᒪᑦ ᐊᕐᕌᒎᓕᖅᑐᓂᑦ, ᐅᐱᒍᓱᑦᓯᒪᒻᒪᕆᑉᐳᖅ ᐊᐅᓪᓚᑲᑕᕈᓘᔭᕆᐊᑦᓴᖅ ᓄᓇᕗᓕᒫᕐᒥ, ᐃᓕᓐᓂᐊᖅᑐᓂ ᐊᒻᒪᓗ ᐃᖅᑲᓇᐃᔭᖃᑎᖃᖅᑐᓂ ᐃᓄᓐᓂᒃ ᒪᒃᑯᑦᑐᓂᑦ ᐊᒻᒪᓗ ᓄᓇᓕᒻᒥᐅᑕᐅᔪᓂᑦ. ᐃᑲᔪᖅᓯᒪᔪᖅ ᐱᓕᕆᔨᓂᒃ ᐋᖅᑭᑦᓱᖅᑕᐅᑎᓪᓗᒍ I-SPARX, ᓄᕙᒡᔪᐊᖕᓇᕐᒥᒃ ᐊᓂᒎᑎᖃᕋᓱᐊᕐᓂᕐᒥᒃ, ᐊᒻᒪᓗ ᖃᕋᓴᐅᔭᒃᑯᑦ ᖃᒡᒋᖅ ᐱᓕᕆᐊᖓᓂᒃ. ᐊᓚᐃᓇ ᐃᓅᓚᐅᖅᓯᒪᔪᖅ ᐊᒻᒪᓗ ᐅᓪᓗᒥᐅᔪᖅ ᑐᕌᓐᑐᒥᐅᑕᐅᓪᓗᓂ. ᓯᓚᑦᑐᖅᓴᕐᕕᕐᔪᐊᕐᒥ ᐃᓕᓐᓂᐊᖅᑐᖅ ᔪᐊᒃ ᓯᓚᑦᑐᖅᓴᕐᕕᕐᔪᐊᖓᓂᒃ, ᐱᓕᒻᒪᒃᓴᖅᑐᓂ ᓄᑕᖅᑲᓄᑦ ᒪᒃᑯᑦᑐᓄᓪᓗ ᐃᓱᒪᓕᕆᔨᐅᒋᐅᖅᓴᓪᓗᓂ. ᐊᑯᓂᐅᔪᖅ ᑎᑭᓐᓇᓱᐊᖅᑕᖓ ᐃᖅᑲᓇᐃᔭᓛᕐᓗᓂ ᓄᓇᕗᒻᒥ, ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᑲᔪᖅᑐᐃᖃᑦᑕᕐᓗᓂ ᓄᓇᕗᒻᒥᐅᑦ ᒪᒃᑯᑦᑐᖏᓐᓄᑦ ᐊᒻᒪᓗ ᐃᓚᒌᑦᑐᓄᑦ. ᐊᓚᐃᓇ ᐃᑉᐱᒍᓱᑦᑎᐊᒻᒪᕆᑦᑐᖅ ᐃᓄᐃᑦ ᖃᐅᔨᒪᔭᑐᖃᖏᑕ ᑐᙵᕕᖏᓐᓂᒃ. ᐃᑲᔪᖅᑐᐃᒋᐊᓯᓯᒪᕗᖅ ᐃᓄᓐᓂᒃ ᐊᑐᓕᖅᑎᑦᑎᓯᒪᓪᓗᓂ ᓯᓚᑐᓂᕆᔭᖏᑦ ᐃᓄᐃᑦ ᖃᐅᔨᒪᔭᑐᖃᖏᑕ ᐃᓱᒪᓕᕆᓂᕐᒥᒃ ᐊᒻᒪᓗ ᖃᕋᓴᐅᔭᒃᑰᖅᑐᓂᒃ ᐋᓐᓂᐊᖅᑕᐃᓕᒪᓂᕐᒧᑦ ᖃᓄᐃᑦᑕᐃᓕᒪᓂᕐᒧᑦ ᐃᑲᔫᑎᑦᓴᓂᒃ. ᐊᓚᐃᓇ ᖁᕕᐊᓱᑦᑐᒻᒪᕆᐅᕗᖅ ᐃᓄᐃᑦ ᓄᓇᕗᒻᒥᐅᑦ ᐱᕕᖃᕐᒪᑕ ᐆᑦᑐᕋᕐᓗᑎᑦ ᐱᙳᐊᕐᓂᒃᑯᑦ ᐱᔭᕇᖅᑕᐅᓯᒪᓕᖅᑐᖅ ᖃᕋᓴᐅᔭᒃᑯᑦ ᖃᒡᒋᖅ ᐱᙳᐊᕈᑎᖓᓂᒃ ᒫᓐᓇᒫᕈᓗᒃ.